ताजा
लोकप्रिय
आन्दोलनरत आवासीय चिकित्सकहरूले आज पेन डाउन गर्दै विरोध प्रदर्शन गरेका छन्। सरकारी सरह पारिश्रमिकको माग गर्दै आन्दोलनरत आवासीय चिकित्सकहरूले आज बिहान ९ बजेदेखि १० बजेसम्म एक घण्टा पेन डाउन गरेका हुन्। साथै आफ्नो संस्थामा एप्रोनसहित प्रदर्शन समेत गरेका छन्।
बिज्ञापन
‘स्वास्थ्यकर्मीका लागि सुरक्षित कार्यस्थल सङ्घर्ष समिति’ मार्फत आवासीय चिकित्सकहरू आन्दोलन गर्दै आएका छन्। उनीहरूले माइतीघर मण्डलामा समेत प्रदर्शन गर्दै आएका छन्। आज दिउँसो १ बजे माइतीघर मण्डलामा प्रदर्शन गर्ने सङ्घर्ष समितिका प्रवक्ता डा.सञ्जय बरालले जानकारी दिए।
बिज्ञापन
सङ्घर्ष समितिले इन्टर्न तथा एमडी, एमएस, एमडीएस, डीएम र एमसीएच अध्ययनरत चिकित्सकहरूको न्यूनतम पारिश्रमिक सरकारी सरह कायम गर्न माग गर्दै आएका छन्। उनीहरूले सम्पूर्ण पीजी कार्यक्रमहरू पूर्णरुपमा शुल्करहित र बोण्डरहित बनाउन पनि माग गरेका छन्।
आफ्ना माग बेवास्ता गरिरहे अत्यावश्यक सेवाबाहेक सबै सेवा बहिष्कार गर्ने चेतावनीसमेत दिएका छन्। स्वास्थ्य तथा जनसंख्यामन्त्री र शिक्षा, विज्ञान तथा प्रविधि मन्त्री मिलेर तीन बुँदे निर्णय गरेका थिए। जसमा आवासीय चिकित्सकको पहिलो वर्ष २५ हजार, दोस्रो वर्ष ३० हजार र तेस्रो वर्ष ३५ हजारका दरले मासिक निर्वाह भत्ता उपलब्ध गराउने निर्णय गरेका थिए। आवासीय चिकित्सकहरूले दुई मन्त्रीको उक्त निर्णयको विरोध जनाउँदै आएका हुन्।
बिज्ञापन
