ताजा
लोकप्रिय
कोशी प्रदेशस्तरीय अन्तरबैंक ब्याडमिन्टन प्रतियोगितामा नेपाल राष्ट्र बैंकले उत्कृष्ट प्रदर्शन गर्दै उपाधि हात पारेको छ।
बिज्ञापन
नेपाल राष्ट्र बैंकमा क्रियाशील तीनवटा कर्मचारी युनियन नेपाल राष्ट्र बैंक कर्मचारी संघ, नेपाल वित्तीय संस्था कर्मचारी संघ, नेपाल राष्ट्रिय कर्मचारी संगठनले जेठ १६ / १७ गते विराटनगरको शहीद रंगशालास्थित कभर्ड हलमा संयुक्त रूपमा प्रतियोगिता आयोजना गरेका हुन् ।
बिज्ञापन
बेष्ट अफ थ्रीको आधारमा खेलाइएको खेलमा प्राइम कमर्सियल बैंक लिमिटेडका सोनाम लामा र भेषराज भुजेलको जोडीलाई २१–१८ र २४–२२ को सोझो सेटमा पराजित गर्दै नेपाल राष्ट्र बैंकका रगेन्द्र साम्बा र सुजनकुमार विश्वकर्माको जोडीले उपाधि हात पारेका हुन् । प्रतियोगितामा नेपाल बैंक लिमिटेड र राष्ट्रिय वाणिज्य बैंक तृतीय स्थान हासिल गर्न सफल भए ।
एभरेष्ट बैंक लिमिटेको मुख्य प्रायोजन, नबिल बैंक, हिमालयन बैंक र कृषि विकास बैंकको प्रायोजन तथा प्रभु बैंकको सहप्रायोजनमा सम्पन्न प्रतियोगितामा २१ वटा बैंक तथा वित्तीय संस्थाका कुल ३१ टिमको सहभागिता थियो । प्रथम, द्वितीय र तृतीय हुने टिमले क्रमशः ३० हजार, २० हजार र १० हजार रुपैयाँ नगदसहित प्रमाणपत्र, मेडल र ट्रफी प्राप्त गरेका छन् ।
बिज्ञापन
विजयी टिम तथा खेलाडीहरूलाई नेपाल राष्ट्र बैंकका निर्देशक शैलेन्द्र रेग्मी, एभरेष्ट बैंक लिमिटेड विराटनगर शाखाका प्रमुख विनय घिमिरे तथा रेफ्री लवभक्त श्रेष्ठले पुरस्कार वितरण गरेका थिए ।
