ताजा
लोकप्रिय
बिज्ञापन
नेपाल राष्ट्र बैंकले आज (बुधबार) ४० अर्ब रुपैयाँ निक्षेप खिच्ने भएको छ। वित्तीय प्रणालीमा अधिक तरलता कायम रहेपछि केन्द्रीय बैंकले निक्षेप संकलन उपकरणमार्फत यो रकम संकलन गर्न लागेको हो।
बिज्ञापन
हाल देशभरको कुल निक्षेप ७४ खर्ब रुपैयाँभन्दा बढी पुगेको छ। ब्याजदर नियन्त्रण र तरलता व्यवस्थापनका लागि राष्ट्र बैंकले निरन्तर रूपमा निक्षेप संकलन उपकरण तथा स्थायी निक्षेप सुविधा (Standing Deposit Facility) को प्रयोग गर्दै आएको छ।
आजको निक्षेप संकलनका लागि ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन्। राष्ट्र बैंकका अनुसार, बोलकबोलमा सहभागी संस्थाहरूले प्रस्ताव गर्ने ब्याजदरअनुसार सबैभन्दा कम ब्याजदर बोल गर्ने संस्थालाई प्राथमिकता दिइनेछ र त्यसैअनुसार रकम बाँडफाँट गरिनेछ।
बिज्ञापन
अनलाइन खरिद प्रणालीमार्फत हुने आजको बोलकबोलमा ब्याजदर पनि प्रतिस्पर्धात्मक रूपमा निर्धारण हुनेछ। निक्षेप संकलन उपकरणको साँवा तथा ब्याज २०८३ वैशाख ९ गते भुक्तानी गरिनेछ। बोल गर्न सकिने रकम न्यूनतम १० करोड रुपैयाँ र अधिकतम रकम ५ करोडको गुणकमा हुने गरी निर्धारण गरिएको छ।
राष्ट्र बैंकका अनुसार, यो कदमले अधिक तरलता नियन्त्रण र वित्तीय स्थायित्व कायम राख्न सहयोग पुर्याउनेछ।
