ताजा
लोकप्रिय
नेपाल विद्युत् प्राधिकरणले डेडिकेटेड फिडर र ट्रंकलाइनमार्फत सेवा लिएका उपभोक्ताहरूलाई बक्यौता महसुल बुझाउने समयसीमा संशोधन गर्दै कार्तिक २ गतेसम्मको अन्तिम म्याद तोकेको छ।
बिज्ञापन
यसअघि असोज १२ गते सार्वजनिक गरिएको सूचनामा महसुल बुझाउने अवधि २१ दिन भनिएको थियो, तर उक्त सूचनामा त्रुटि रहेको भन्दै नयाँ मिति तोकिएको प्राधिकरणले स्पष्ट पारेको छ।
बिज्ञापन
प्राधिकरणका अनुसार, डेडिकेटेड र ट्रंकलाइनमार्फत विद्युत् आपूर्ति लिएका व्यापारी उपभोक्ताले तोकिएको म्यादभित्र बक्यौता भुक्तानी गर्नुपर्नेछ। तोकिएको अवधिभित्र सार्वजनिक बिदा परे पनि महसुल संकलन काउन्टरहरू खुला रहने र विद्युतीय माध्यमबाट पनि भुक्तानी गर्न सकिने व्यवस्था मिलाइएको जनाइएको छ।
व्यापारीहरू असन्तुष्ट
बिज्ञापन
यता व्यापारीहरूले भने प्राधिकरणले जबरजस्ती महसुल असुल गर्न खोजेको भन्दै असन्तुष्टि जनाएका छन्। उनीहरूको भनाइमा, बक्यौता रकमको हिसाब पारदर्शी नभएको र संवादबिना दबाब दिइएको छ।
विद्युत् प्राधिकरणले भने उपभोक्ताले समयमै भुक्तानी नगर्दा राज्यलाई ठूलो आर्थिक घाटा हुने भएकाले समयमा महसुल असुल गर्न बाध्य भएको जनाएको छ।
