बिज्ञापन

सिटिजन लाइफ इन्स्योरेन्स कम्पनी लिमिटेडले आफ्नो आठौँ वार्षिकोत्सव विविध सामाजिक उत्तरदायित्वका गतिविधिहरू गर्दै सम्पन्न गरेको छ। जीवन बीमा सेवालाई हरेक नेपालीको पहुँचमा पुर्याउने उद्देश्यले स्थापना भएको कम्पनी नवौँ वर्षमा प्रवेश गरेको हो।

बिज्ञापन

कम्पनीले देशभरका शाखा कार्यालयहरूमा ‘विविधता र समावेशीकरण दिवस’लाई वार्षिकोत्सवको मुख्य विषयवस्तु बनाउँदै सांस्कृतिक पहिचान झल्काउने भेषभूषा तथा परम्पराको प्रस्तुति गरेर कार्यस्थलमा एकता, सद्भाव र परस्पर सम्मानको सन्देश प्रवाह गरेको जनाएको छ। यस कार्यक्रमले सिटिजन परिवारभित्रको सहअस्तित्व र सांस्कृतिक समृद्धिमा थप योगदान गरेको कम्पनीको भनाइ छ।

१६ स्थानमा रक्तदानदेखि ३५० बिरुवा रोपणसम्म

बिज्ञापन

सामाजिक उत्तरदायित्वप्रति प्रतिबद्धता जनाउँदै कम्पनीले वार्षिकोत्सवको अवसरमा देशभर विभिन्न स्थानमा निम्न कार्यक्रमहरू सम्पन्न गरेको छः

१६ स्थानमा रक्तदान कार्यक्रम
६ स्थानमा बीमा सचेतना र्याली र घर–घरमा जानकारी अभियान
३ स्थानमा सरसफाइ तथा डस्टबिन हस्तान्तरण
११ स्थानमा अनाथ बालबालिकालाई शैक्षिक सामग्री वितरण
१ स्थानमा निःशुल्क स्वास्थ्य शिविर
१० स्थानमा विपन्न बालबालिकालाई न्यानो कपडा वितरण
७ स्थानमा ३५० बिरुवा रोपण

‘समाजसँगको सम्बन्ध पुनः पुष्टि गर्ने अवसर’

कम्पनीका प्रमुख कार्यकारी अधिकृतले वार्षिकोत्सवलाई समाजसँगको सम्बन्ध पुनः पुष्टि गर्ने अवसरको रूपमा व्याख्या गर्दै भने, “हामी विश्वास, विविधता र सामाजिक उत्तरदायित्वका माध्यमबाट बीमा सेवा विस्तार गर्दै सुरक्षित जीवन र समृद्ध भविष्यतर्फ दृढतापूर्वक अघि बढिरहेका छौँ।”

उनी अनुसार सिटिजन लाइफले आठ वर्षको यात्रामा ग्राहकको विश्वास, साझेदारहरूको साथ र कर्मचारीहरूको समर्पणलाई आधार मानी बीमा सेवाको पहुँच विस्तार, डिजिटल सुधार र सामाजिक दायित्वका कार्यक्रमहरूलाई निरन्तर अघि बढाएको छ।

आगामी प्रतिबद्धता

कम्पनीले आगामी दिनहरूमा बीमा सचेतना, स्वास्थ्य, शिक्षा, वातावरण संरक्षण र समावेशी विकासका क्षेत्रमा थप योगदान गर्ने प्रतिबद्धता व्यक्त गरेको छ। साथै, सेवालाई समयानुकूल परिमार्जन गर्दै संस्थागत सुशासन, कानुनी पालना र व्यावसायिक उत्कृष्टता हासिल गर्न प्रयत्नशील रहने पनि जनाएको छ।

सिटिजन लाइफले यस अवसरमा ग्राहक, व्यवसायिक साझेदार, सञ्चारकर्मी, सेयरधनी, सञ्चालक समिति, सद्भावना दूत, नियमनकारी निकाय, र कर्मचारीहरू प्रति कृतज्ञता प्रकट गरेको छ। साथै, दिपावली, नेपाल संवत् र छठ पर्वको अवसरमा सम्पूर्ण नेपालीहरूका सुस्वास्थ्य, दीर्घायु र समृद्ध जीवनको शुभकामना समेत व्यक्त गरेको छ।