ताजा
लोकप्रिय
सन् २०२५ को सेप्टेम्बर महिनामा ७८ हजारभन्दा बढी विदेशी पर्यटक नेपाल आएका छन् । नेपाल पर्यटन बोर्डले मंगलबार सार्वजनिक गरेको तथ्यांकअनुसार, सेप्टेम्बरमा कुल ७८ हजार ७११ विदेशी नागरिकले नेपाल भ्रमण गरेका हुन् ।
बिज्ञापन
तर, यो संख्या अघिल्लो वर्षको तुलनामा उल्लेख्य रूपमा घटेको छ । सन् २०२४ को सेप्टेम्बरमा ९६ हजार ३०२ पर्यटक आएका थिए, जसको तुलनामा यस वर्षको आगमन १८.३ प्रतिशतले कमी भएको बोर्डले जनाएको छ ।
बिज्ञापन
पर्यटकीय सिजनकै समयमा विदेशी आगमन घट्नु पर्यटन क्षेत्रका लागि चिन्ताको विषय बनेको छ । गत अगस्ट महिनामा पनि ८८ हजार ६८० पर्यटक मात्र नेपाल आएका थिए, जसले निरन्तर घट्दो प्रवृत्तिको सङ्केत गरेको छ ।
बोर्डका तथ्यांकअनुसार, सेप्टेम्बरमा नेपाल आउने विदेशीमध्ये भारतबाट १५ हजार ५५६, अमेरिकाबाट ९ हजार ६७९, चीनबाट ५ हजार २३७, श्रीलंकाबाट ३ हजार १५, र बंगलादेशबाट २ हजार २३० पर्यटक आएका छन् ।
बिज्ञापन
नेपालमा अघिल्ला महिनाहरूमा मनसुनका कारण आन्तरिक उडान र सडक यातायात प्रभावित भएकाले पनि आगमनमा कमी आएको पर्यटन विज्ञहरूको धारणा छ । आगामी अक्टोबर र नोभेम्बर महिनामा भने दशैं–तिहार र ट्रेकिङ सिजनसँगै पर्यटक आगमन बढ्ने अपेक्षा गरिएको छ ।
