ताजा
लोकप्रिय
बिज्ञापन
ताप्लेजुङस्थित प्रसिद्ध धार्मिकस्थल पाथीभरा देवी मन्दिरमा शनिबार यो यामको सबैभन्दा धेरै भक्तजन पुगेका छन्। पाथीभरा क्षेत्र विकास समितिका अनुसार शनिबार मात्रै ६ हजार ३९३ भक्तजनले देवीको दर्शन गरेका छन्।
बिज्ञापन
समितिका कार्यकारी निर्देशक प्रजिन हाङबाङका अनुसार बिहान ३ बजेदेखि दिउँसो ३ बजेसम्म भक्तजनहरू लामो लाइनमा उभिएर पूजाअर्चना गरेका थिए। बिहानैदेखि मन्दिर परिसरमा श्रद्धालुको ठूलो भीड देखिएको उनले जानकारी दिए।
पाथीभरा मन्दिरमा वर्षभर नै दर्शनार्थीहरूको आगमन भइरहने भए पनि विशेषगरी दसैँ–तिहारको अवधिमा भक्तजनको संख्या उल्लेख्य रूपमा बढ्ने गर्छ। त्यसपछि चैतेदसैँका समयमा पनि यहाँ ठूलो संख्यामा श्रद्धालु पुग्ने परम्परा रहेको समितिले जनाएको छ।
बिज्ञापन
समितिका तथ्याङ्कअनुसार गत असोज महिनाभर २९ हजार १७४ भक्तजनले पाथीभराको दर्शन गरेका थिए। शनिबारको भीडले यस याममा भक्तजनको आगमनले नयाँ रेकर्ड बनाएको समितिले जनाएको छ।
