ताजा
लोकप्रिय
अख्तियार दुरुपयोग अनुसन्धान आयोगको नक्कली कर्मचारी बनेर १ करोड रुपैयाँ माग्दै धम्की दिने दुई जना व्यक्तिलाई प्रहरीले पक्राउ गरेको छ।
बिज्ञापन
पीडित व्यक्तिले पटक–पटक फोनमार्फत रकम माग गर्दै “पक्राउ गर्ने” धम्की दिइएको उजुरी दिएपछि, २०७९ भदौ १७ गते काठमाडौं महानगरपालिका–१४ स्थित कलङ्कीबाट ती दुई जनालाई प्रहरीले पक्राउ गरेको हो।
बिज्ञापन
पक्राउ पर्नेमा डोटी शिखर नगरपालिका–९ सुन्ड घर भई हाल कीर्तिपुर बसोबास गर्ने २७ वर्षीय लक्ष्मण पनेरु र झापा हरिनगर गाउँपालिका–७ घर भई हाल सुकेधारा बस्ने ५४ वर्षीय विनोद साह रहेका छन्।
प्रहरीका अनुसार, टोखा नगरपालिका–८ निवासी एक स्थानीयलाई “तपाईं र तपाईंको परिवारको नागरिकता नक्कली हो” भन्दै धम्की दिँदै, अख्तियारको कर्मचारीको परिचय दिइएको थियो। कारबाहीबाट बच्न १ करोड रुपैयाँ माग गरिएको जनाइएको छ।
बिज्ञापन
प्रहरीले उनीहरूको साथबाट ४ थान विभिन्न कम्पनीका मोबाइल फोन, २ लाख रुपैयाँ नगद, र सेतो रङ्गको फिगो फोर्ड कम्पनीको कार बरामद गरेको छ।
हाल उनीहरूलाई थप अनुसन्धान तथा आवश्यक कानुनी कारबाहीका लागि जिल्ला प्रहरी परिसर, भद्रकालीमा पठाइएको छ।
