ताजा
लोकप्रिय
धरान उपमहानगरपालिकाका मेयर हर्क साम्पाङले प्रधानमन्त्री र मन्त्रीहरुका स्वकीय सचिवसहितका सम्बन्धित अधिकारीले फोन नउठाइदिँदा समस्या भएको बताएका छन्। उनले फोन नउठेकै कारण समस्या भएको उनको भनाइ छ।
बिज्ञापन
धरानमा खानेपानीको व्यवस्थाका लागि बजेट सुनिश्चितताको मागसहित रित्तो गाग्रीसहित मंगलबार सिंहदरबार पुगेका साम्पाङले भने, ‘स्वकीय सचिवले फोन उठाइदिए र भेट्न टाइम मिलाइदिए हुन्थ्यो। मलाई त समस्या भयो भने सर्वसाधारणलाई के होला।’
बिज्ञापन
उनले अर्थमन्त्री विष्णु पौडेललाई भेट्न आफूले झन्डै दुई घण्टा कुरेको बताउँदै फोन नउठेकै कारण पहिला समन्वय हुन नसकेको बताए। साम्पाङले अर्थका साथै खानेपानीमन्त्रीलाई समेत भेटेर आफ्नो मागबारे अवगत गराएका छन्।
यस्तै आजै प्रधानमन्त्री केपी शर्मा ओलीलाई भेटेर आफूले आफ्नो मागसम्बन्धी पत्र हस्तान्तरण गर्ने पनि अर्थमन्त्रीलाई भेटेपछि सञ्चारकर्मीलाई बताए। भेटका क्रममा अर्थमन्त्री विष्णु पौडेलले धरानको खानेपानी समस्या समाधानका लागि आफू प्रतिबद्ध रहेको बताएको साम्पाङले बताए। उनका अनुसार उक्त खानेपानी आयोजनाका लागि ५ अर्ब ७२ करोड लाग्ने देखिएको छ।
बिज्ञापन
