ताजा
लोकप्रिय
बिज्ञापन
नेपाली कांग्रेसका सभापति शेरबहादुर देउवा र उनकी पत्नी सोमबार सिंगापुर जाने भएका छन्। उनीहरू आज राति ९ बजे उपचारका लागि त्यहाँ प्रस्थान गर्ने तयारीमा छन्।
बिज्ञापन
यसअघि पनि विदेश उपचारका लागि जाने तयारी गरिएको थियो, तर विभिन्न कारणले सम्भव हुन सकेको थिएन। तर अहिले टिकट काटिसकिएको र यात्रा सुनिश्चित भएको जानकारी प्राप्त भएको छ।
गत भदौ २४ गते भएको जेनजी आन्दोलनका क्रममा बूढानीलकण्ठस्थित देउवा निवासमा सभापति देउवा दम्पत्तिमाथि कुटपिट भएको थियो। तत्काल सुरक्षाकर्मीले उद्धार गरेर अस्पताल पुर्याएका थिए। ती घटनापछि उनीहरु लामो समय अस्पतालमै बसेका थिए। लामो स्वास्थ्य जाँच र विश्रामपछि गत असोज २८ गते मात्रै सार्वजनिक रूपमा देखिएका थिए।
बिज्ञापन
विशेषज्ञहरूले उपचारका लागि विदेश जानु आवश्यक रहेको बताएका छन्। राजनीतिक परिवेश र आन्दोलनपछिको तनावका कारण देउवा दम्पत्तिको सुरक्षा र स्वास्थ्य अझ संवेदनशील रहेको छ।
