ताजा
लोकप्रिय
चालु आर्थिक वर्ष २०८२/८३ को दोस्रो महिनामा उच्च शिक्षा अध्ययनका लागि विदेश जाने विद्यार्थीमार्फत ठूलो परिमाणमा रकम बाहिरिएको नेपाल राष्ट्र बैंकले जनाएको छ।
बिज्ञापन
बैंकले सार्वजनिक गरेको आर्थिक विवरणअनुसार, भदौ महिनामा मात्रै विद्यार्थीहरूले अध्ययनका लागि ३२ अर्ब ७६ करोड रुपैयाँ विदेश लगेका छन्। अघिल्लो वर्षको सोही अवधिमा यो रकम २८ अर्ब २० करोड रुपैयाँ थियो। समीक्षा अवधिमा सेवा खाताअन्तर्गत भ्रमण व्यय समेत उल्लेख्य रूपमा बढेको छ। यो व्यय ९.६ प्रतिशतले वृद्धि भई ४७ अर्ब ३१ करोड रुपैयाँ पुगेको छ। अघिल्लो वर्षको सोही अवधिमा भ्रमण व्यय ४३ अर्ब १८ करोड रुपैयाँ रहेको थियो।
बिज्ञापन
यस्तै, खुद सेवा आय भने घाटामा रहेको राष्ट्र बैंकले जनाएको छ। चालु वर्षको समीक्षा अवधिमा खुद सेवा आय ३१ अर्ब १६ करोड रुपैयाँले घाटा देखिएको छ, जसको तुलनामा अघिल्लो वर्षको सोही अवधिमा घाटा २७ अर्ब ९३ करोड रुपैयाँ थियो।
समीक्षा अवधिमा भ्रमण आय पनि केही बढेको देखिन्छ। यो आय ९.८ प्रतिशतले वृद्धि भई ११ अर्ब ५८ करोड रुपैयाँ पुगेको छ। अघिल्लो वर्षको सोही अवधिमा भ्रमण आय १० अर्ब ५५ करोड रुपैयाँ रहेको राष्ट्र बैंकले जनाएको छ।
बिज्ञापन
