ताजा
लोकप्रिय
बिज्ञापन
कामना सेवा विकास बैंक लिमिटेडले आफ्नो संस्थागत सामाजिक उत्तरदायित्व (CSR) कार्यक्रम अन्तर्गत हालैका आन्दोलनका क्रममा क्षतिग्रस्त भएका सरकारी संरचनाहरूलाई पुनः सञ्चालनमा ल्याउन सहयोग गरेको छ।
बिज्ञापन
पोखरा महानगरपालिका वडा नं. ३० को कार्यालयलाई बैंकले टेबल र कुर्सी हस्तान्तरण गरी कार्यालय सञ्चालनमा सहयोग गरेको हो। जेन जीको भ्रष्टाचार विरुद्धको आन्दोलनको क्रममा वडा कार्यालयका सबै फर्निचर तथा उपकरणहरू जलेर नष्ट भएका थिए।
बैंकको ढुङ्गेपाटन शाखाकी शाखा प्रबन्धक लक्ष्मी ढकालले वडाध्यक्ष दुर्गा प्रसाद सुवेदीलाई फर्निचरहरू हस्तान्तरण गरेका हुन् । कार्यक्रममा वडाध्यक्ष सुवेदीले आन्दोलनका क्रममा क्षति पुगेका संरचनाको पुनः सञ्चालनका लागि सहयोग गरेकोमा बैंकलाई धन्यवाद दिँदै अन्य संस्थाहरुलाई पनि पुनःनिर्माणमा सहभागी हुन आह्वान गरे।
बिज्ञापन
यस्तै, बैंकले जिल्ला प्रहरी कार्यालय, कास्कीलाई पनि तत्काल आवश्यक पर्ने कम्प्युटर र प्रिन्टर प्रदान गरेको छ। आन्दोलनका क्रममा कार्यालय पूर्ण रूपमा जलेर नष्ट भएपछि सेवा प्रवाहमा अवरोध आइरहेको थियो। बैंकका पोखरा क्षेत्र प्रमुख शिव कुमार ढकालले डीएसपी हरि बहादुर बस्नेतलाई उक्त उपकरणहरू हस्तान्तरण गरेका छन् ।
