ताजा
लोकप्रिय
बिज्ञापन
नेपाल राष्ट्र बैंकले देशभरका बैंक तथा वित्तीय संस्थालाई सीमित कर्मचारी परिचालन गरेर अत्यावश्यक बैंकिङ र डिजिटल भुक्तानी सेवा निरन्तर सञ्चालन गर्न निर्देशन दिएको छ।
बिज्ञापन
शुक्रबार राष्ट्र बैंकले जारी गरेको सूचनामा रक्षा मन्त्रालय र नेपाली सेनाको निर्देशनअनुसार संवेदनशील प्रणालीलाई सीमित कर्मचारीमार्फत सञ्चालन गर्न भनिएको छ।
सूचनामा भनिएको छ, “यस बैंकबाट इजाजतपत्र तथा अनुमतिपत्रप्राप्त बैंक, विकास बैंक, वित्त कम्पनी तथा भुक्तानी प्रणालीसम्बन्धी कार्य गर्ने संस्थाले आफ्नो व्यावसायिक निरन्तरतालाई मध्यनजर गर्दै मिति २०८२/०५/२६ मा जारी विज्ञप्ति नं. १७ अनुसार आवतजावत हुनेगरी सीमित कर्मचारीबाट आफ्ना संवेदनशील प्रणाली सञ्चालन गरी अत्यावश्यक बैंकिङ तथा डिजिटल भुक्तानीसम्बन्धी सेवा सुचारू गर्नुहुन अनुरोध गरिएको छ।”
बिज्ञापन
राष्ट्र बैंकले अन्य प्रणालीको हकमा भने जोखिमको आधारमा रिमोट एसेसमार्फत सञ्चालन गर्ने व्यवस्था मिलाउन आग्रह गरेको छ। साथै, सञ्चालनमा रहेका शाखा, एटीएम र उपलब्ध सेवाबारे जानकारी आफ्नो वेभसाइट तथा सामाजिक सञ्जालमार्फत सार्वजनिक गर्न पनि निर्देशन दिएको छ।
