निकै सुरक्षित मानिएको मेसेजिङ प्लाटफर्म ह्वाट्सएपमाथि साइबर आक्रमण भएको छ। मेटाका अनुसार जेरो क्लिक विधिको प्रयोग गरेर ह्वाट्सएपमाथि ह्याकरहरुले आक्रमण गरेका हुन्।

बिज्ञापन

यसबाट केही संख्याका ह्वाट्सएप प्रयोगकर्ताहरु साइबर हमलाकारीको निशानामा परेको समाचारमा उल्लेख गरिएको छ। ह्वाट्सएपमाथिको पछिल्लो साइबर हमलामा इजरायली कम्पनी प्यारागन सोलुसन्सको निगरानी सफ्टवेयर Graphite को प्रयोग भएको दाबी मेटाले गरेको छ। साथै ९० जना ह्वाट्सएप प्रयोगकर्ताको अकाउन्ट ह्याक भएका उसले जानकारी दिएको छ।

बिज्ञापन

ह्वाट्सएपले पनि साइबर आक्रमणकारीहरुले ९० जना प्रयोगकर्तालाई सिकार बनाएको र सम्भवतः उनीहरुको डेटा चोरी गरेको पुष्टि गरेको छ। ती ९० जनामा पत्रकार तथा अन्य विशिष्ट व्यक्तिहरु समेत रहेका छन्। यद्यपि उनीहरुको बारेमा थप विस्तृत विवरण आएको छैन।

मेटाका अनुसार साइबर आक्रमणकारीले केही छानिएका व्यक्तिलाई सिकार बनाए। त्यसमा पत्रकार, नागरिक समाजका सदस्य लगायतका रहेका छन्। यसरी आक्रमण पर्नेमा विभिन्न २० देशका ह्वाट्सएप प्रयोगकर्ता छन्। Paragon Solution को Graphite सफ्टवेयरले वास्तवमा जेरो क्लिक विधिबाट काम गर्दछ। यसको अर्थ क्लिक नगरीकनै यो डिभाइससम्म पुग्दछ र डेटा चोरी गर्ने क्षमता राख्दछ। यस अवस्थामा स्मार्टफोन प्रायेगकर्तालाई आफ्नो फोनमा साइबर हमला भएको पत्तो हुँदैन।

बिज्ञापन