ताजा
लोकप्रिय
मेडिकल व्यवसायी दुर्गा प्रसाईंलाई प्रहरीले पुनः पक्राउ गरेको छ। बिहीबार काठमाडौं जिल्ला अदालतबाट विद्युतीय कारोबार ऐन, २०६३ अन्तर्गतको कसुरमा ४० हजार रुपैयाँ धरौटी बुझाएर रिहा हुनासाथ प्रहरीले प्रसाईंलाई पुनः पक्राउ गरेको हो।
बिज्ञापन
आपराधिक लाभसम्बन्धी कसुरमा अनुसन्धानका लागि प्रहरीको केन्द्रीय अनुसन्धान ब्युरोले प्रसाईंलाई पक्राउ गरेको हो। आफूलाई पुन: पक्राउ गरेपछि प्रसाईंले सञ्चारमाध्यमसँग बोल्न खोजेका थिए। तर, प्रहरीले सञ्चारमाध्यमलाई प्रसाईं नजिक जान रोक लगाएको थियो।
बिज्ञापन
प्रसाईंमाथि आपराधिक विश्वासघात र संगठित अपराधको कसुरमा सीआईबीले अनुसन्धान गरिरहेको छ। विभिन्न आपराधिक समूहका नाममा व्यक्तिहरू परिचालन गरी धम्की दिएर पैसा असुल गरेको प्रमाण फेला परेको प्रहरीले जनाएको छ।
प्रधानमन्त्री केपी ओलीको कम्बोडियाको टेलिकममा लगानी गरेको नक्कली कागज सार्वजनिक गरेको आरोपमा प्रसाईं यही मंसिर ४ मा भक्तपुरस्थित निवासबाट पक्राउ परेका थिए।
बिज्ञापन
