ताजा
लोकप्रिय
सहकारीको बचत अपचलन गरेको आरोपमा पक्राउ परेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई जिल्ला अदालत कास्कीले थप पाँच दिन हिरासतमा राख्न अनुमति दिएको छ। प्रहरीले ९ दिन थप्न माग गरेको थियो।
बिज्ञापन
बिहीबार न्यायाधीश चन्द्रकान्त पौड्यालको इजलासले थप पाँच दिन हिरासतमा राख्नका लागि अनुमति दिएको हो। पछिल्लो पटक थपिएको यो म्यादभित्रै रविविरुद्धको मुद्दाको अभियोग अदालतमा लैजाने तयारी छ। सहकारीको बचत अपचलन आरोपमा कात्तिक २ गते काठमाडौंबाट लामिछाने पक्राउ परेका थिए। सहकारी सम्बन्त्री छानबिन गर्न गठित विशेष संसदीय समितिको सिफारिसमा सूर्यदर्शन सहकारी ठगी प्रकरणमा पक्राउ परेका लामिछाने सहितलाई सहकारी ठगीसँगै संगठित अपराध र सम्पत्ति शुद्धीकरणको कसुरमा अनुसन्धान भइरहेको छ।
बिज्ञापन
पोखराको सूर्यदर्शन, बुटवलको सुप्रिम बचत तथा ऋण सहकारी संस्था, काठमाडौंको स्वर्णलक्ष्मी सहकारी संस्था, साहारा चितवन बहुउद्देश्यीय सहकारी संस्था, वीरगञ्जको सानो पाइला बचत तथा ऋण सहकारी संस्था र नेपालगञ्जको समानता सहकारीको बचत अपचलन गरेको लामिछानेमाथि आरोप छ। उनी सभापति रहेको रास्वपाले षडन्त्रपूर्वक पक्राउ गरिएको भन्दै रिहा गर्न मागसहित आन्दोलन गर्दै आएको छ।
बिज्ञापन
