ताजा
लोकप्रिय
मनाङ मर्स्याङ्दी जलविद्युत् कम्पनीले एक सय ३५ मेगावाट क्षमताको अर्धजलाशययुक्त ‘मर्स्याङ्दी जलविद्युत् आयोजना’को वित्तीय व्यवस्थापनसँगै निर्माण सुरु गरेको छ।
बिज्ञापन
बुटवल पावर कम्पनी लिमिटेडले प्रेस विज्ञप्तिमा योजनाको लगानीकर्ताले आयोजना निर्माणका लागि वित्तीय व्यवस्थापन भएसँगै निर्माण सुरु भएको जनाएको छ। गत महिना चीनको एक्जीम बैंकसँग कर्जा सम्झौता भएको थियो। सम्झौताअनुसार एक्जीम बैंकले १७ करोड ५२ लाख ५० हजार अमेरिकी डलर ऋण लगानी गर्नेछ। बाँकी ऋण रकम अन्य स्रोतबाट जुटाइएको छ। आयोजनाको अनुमानित लागत ३२ करोड ३० लाख अमेरिकी डलर रहेको छ।
बिज्ञापन
आयोजनाको निर्माण चीनको सिनोहाइड्रो ब्युरो सेभेन कम्पनी लिमिटेडले र निर्माण सुपरीवेक्षण सोही नर्थवेष्ट इन्जिनियरिङ कम्पनीले गरिरहेको विज्ञप्तिमा जनाइएको छ। आयोजना निर्धारित कार्ययोजनाअनुरूप ४२ महीनाभित्र सम्पन्न गर्ने लक्ष्य छ।
आयोजनामा बुटवल पावर कम्पनीसँगै चिनियाँ कम्पनीहरू एसीआईजी इन्टरनेशनल लिमिटेड, सिङचेङ इन्टरनेशनल इन्भेष्टमेन्ट कम्पनी लिमिटेड र क्यूवाइइसी इन्टरनेशनल कम्पनी लिमिटेड र सो कम्पनीहरूको संयुक्त लगानीको एसिआइजी इन्टरनेसनल नेपाल हाइड्रो जोइन्ट डेभलपमेन्ट इन्भेष्टमेन्ट कम्पनीको लगानी रहेको छ।
बिज्ञापन
