ताजा
लोकप्रिय
बिज्ञापन
सिटिजन्स बैंक इन्टरनेसनल लिमिटेडले नेपालमै पहिलो पटक ‘क्रस बैंक टेलर क्युआर’ प्रणाली सुरु गरेको छ। यस नवीन प्रविधिको माध्यमबाट अब अन्य बैंकका ग्राहकहरूले पनि सिटिजन्स बैंकका शाखाहरूमा गई सहज र छिटो नगद भुक्तानी प्राप्त गर्न सक्नेछन्।
बिज्ञापन
बैंकका अनुसार, अब ग्राहकले सिटिजन्स बैंकको शाखा काउन्टरमा रहेको टेलर क्युआर कोड स्क्यान गरी आफ्नो बैंकको मोबाइल बैंकिङ प्रयोग गरेर तुरुन्तै नगद झिक्न सक्नेछन्।
सुरक्षित, छरितो र डिजिटलमैत्री सेवा
बिज्ञापन
सिटिजन्स बैंकले नयाँ प्रणालीले भुक्तानी प्रक्रियालाई अझ सुरक्षित, छरितो र ग्राहकमैत्री बनाउने विश्वास व्यक्त गरेको छ। यसले डिजिटल भुक्तानीको पहुँचलाई थप विस्तार गर्ने र बैंकिङ सेवा लिने ग्राहकको समय तथा श्रमको बचत हुने उल्लेख गरिएको छ।
साझेदारीमैत्री डिजिटल बैंकिङतर्फ कदम
क्रस बैंक टेलर क्युआर प्रणालीको सुरुवातसँगै सिटिजन्स बैंकले साझेदारीमैत्री डिजिटल बैंकिङको अभ्यास सुरु गरेको देखिन्छ। बैंकले यो प्रणाली आफ्ना सबै शाखाहरूमा विस्तार गर्दै लैजाने योजना बनाएको जनाएको छ।
