ताजा
लोकप्रिय
दसैँ बिदापछि पहिलो दिन खुलेको सेयर बजारमा ठूलो गिरावट आएको छ। नेपाल स्टक एक्सचेन्ज (नेप्से) परिसूचक ५८.५५ अंकले घटेर २,६०४.९६ बिन्दुमा पुगेको हो।
बिज्ञापन
आज कारोबार रकम पनि उल्लेखनीय रहेको छ। कुल ४ अर्ब ६२ करोड रुपैयाँ बराबरको सेयर कारोबार भएको नेपाल स्टक एक्सचेन्जले जनाएको छ। आज २४२ कम्पनीको कारोबार हुँदा २३५ कम्पनीको सेयर मूल्य घटेको छ भने १६ कम्पनीको मात्र मूल्य बढेको छ। एक कम्पनीको मूल्य स्थिर रहेको छ।
बिज्ञापन
सेयर मूल्यमा सबैभन्दा ठूलो गिरावट भूगोल इनर्जी लिमिटेडको रहेको छ, जसको मूल्य १० प्रतिशतले घटेको हो। त्यस्तै, मूल्य बढ्ने कम्पनीमध्ये सेन्चुरी डिबेन्चर १०, एनआईसी एशिया ऋणपत्र ९.११, र स्टान्डर्ड चार्टर्ड डिबेन्चर ९ प्रतिशत वृद्धि भएका छन्।आजका प्रमुख कारोबार भएका कम्पनीहरूमा युनियन हाइड्रोपावर, नेपाल पुनर्बीमा कम्पनी, हिमालयन रिइन्स्योरेन्स, शिवम् सिमेन्ट, र सिनर्जी पावर डेभलपमेन्ट कम्पनी रहेका छन्।
बिज्ञापन
