ताजा
लोकप्रिय
सर्वोत्तम सिमेन्ट लिमिटेडले गत आवको चौथो त्रैमाससम्मकाे वित्तीय विवरण सार्वजिनक गरेकाे छ । जस अनुसार कम्पनीले गत आवको चौथो त्रैमाससम्म १ अर्ब ४५ लाख रुपैयाँ खुद नाफा आर्जन गरेको छ ।
बिज्ञापन
यो रकम अघिल्लो आवको सोही अवधिको तुलनामा ५७२.५१ प्रतिशतले बढी हो । अघिल्लो आवको सोही अवधिसम्म भने कम्पनीले १४करोड ९३ लाख रुपैयाँ खुद नाफा आर्जन गरेको थियो ।
बिज्ञापन
कम्पनीको बिक्री आम्दानी १७३.०१ प्रतिशतले बढेको छ । कम्पनीले बिक्रीमार्फत २ अर्ब ६ करोड रुपैयाँ आर्जन गरेको छ । अघिल्लो आवमा भने यस्तो रकम ७५ करोड ५४ लाखमा सीमित थियो ।
त्यस्तै, कम्पनीको अघिल्लो आवमा ५ करोड ९ लाख रुपैयाँबराबरको अन्य आम्दानी गरेको कम्पनीले चालु आवमा भने १६ करोड १९ लाख रुपैयाँ आर्जन गरेको छ । कम्पनीले समीक्षा अवधिसम्म ९४ करोड ८१ लाख रुपैयाँ कुल खर्च गरेको छ । कम्पनीकाे ४ अर्ब ९७ करोड रुपैयाँबराबरको चुक्तापूँजी छ ।
बिज्ञापन
कम्पनीको रिभ्यालुएसन रिजर्भमा ३३ करोड ६८ लाख रुपैयाँ सञ्चित रहेको छ भने कम्पनीको कुल चालु सम्पत्ति ५ अर्ब २५ करोड र कुल चालु दायित्व ४ अर्ब २६ करोड रहेको छ । कम्पनीले यो अवधिसम्म ३ अर्ब ७१ करोड अल्पकालिन र ९ करोड ९७ लाख दीर्घकालिन कर्जा लिएको छ ।
त्यस्तै, कम्पनीको प्रतिसेयर आम्दानी (ईपीएस) बढेर २०.१९ रुपैयाँ पुगेको छ । यस्तै कम्पनीको प्रतिसेयर नेटवर्थ २०२ रुपैयाँ, प्रतिसेयर कुल सम्पत्तिको मूल्य ३०१.९२ रुपैयाँ र तरलता अनुपात १.२३ प्रतिशत कायम भएको छ ।
