ताजा
लोकप्रिय
नेकपा(एकीकृत समाजवादी)का अध्यक्ष माधवकुमार नेपाल र सम्मानित नेता झलनाथ खनालबीच खटपट बढ्ने संकेत देखिएको छ ।
बिज्ञापन
खनाल र नेपालबीच भिन्न मत र सहकार्यको सम्बन्ध रोचक र धेरै पुरानो पनि छ । झण्डै पाँच दशक पुरानो सम्बन्ध रहेका नेपाल र खनाल २०३२ सालमा अखिल नेपाल कोर्डिनेसन केन्द्र (कोके)कालकै संस्थापक मानिन्छन् । तर पनि उनीहरुबिच निरन्तर मतभेदपूर्ण सहकार्य यहाँसम्म आइपुगेको दुवै नेताहरुलाई नजिकबाट चिन्नेहरु बताउँछन् । २०७८ सालमा एमालेसँग विद्रोह गर्दा झलनाथले ओलीतिर नलागेर माधवलाई साथ दिए । यद्यपि त्यसबेला खनाल नेपाल बाहिर उपचारका लागि गएका थिए ।
बिज्ञापन
नयाँ पार्टी गठनपछि पनि दुई नेताबिच कहिल्यै सुमधुर सम्बन्ध बन्न सकेन । अध्यक्ष नेपालले महत्वपूर्ण निर्णय गर्दा आफूसँग कहिल्यै सल्लाह नगर्ने गरेको खनालले बताउने गरेका छन् । यसरी महत्वपूर्ण विषय र निर्णयमा मतभिन्नता देखिँदै आएकोमा पछिल्लो पटक खनालले एमालेसँग विद्रोह गर्नुको औचित्य नभएको भन्ने अभिव्यक्ति दिएपछि त दुई नेताबिचको खटपट सार्वजनिक आरोप-प्रत्यारोपमै परिणत हुन पुगेको छ ।
त्यसो त पार्टीको सैद्धान्तिक कार्यक्रममै नेपाल र खनालबिच फरक मत रहँदै आएको प्रष्टै छ । अध्यक्ष नेपाल जनताको बहुदलीय जनवाद (जबज)को पक्षमा छन् भने खनाल त्यसमा फरक मत राख्दै आएका नेता हुन् । पछिल्लो समय खनाल वैज्ञानिक समाजवादको वकालत गर्दै आएका छन् ।
बिज्ञापन
