ताजा
लोकप्रिय
सरकारले पूँजीगत खर्च गर्ने याम सुरु भएको छ। हिउँद याममा आम सर्वसाधारणले समेत आफ्नो निजी संरचना बनाउन थाल्छन्।
बिज्ञापन
निर्माणको यसै याममा निर्माण सामग्री उत्पादकले भने मौकाको फाइदा उठाउँदै भाउ बढाएका छन्। नेपाल निर्माण सामग्री व्यापार संघका वरिष्ठ उपाध्यक्ष कृष्णराम न्यौपानेका अनुसार अहिले सिमेन्टमा औसत डेढ सय रुपैयाँ प्रतिबोरासम्म भाउ बढेको छ। त्यस्तै रडमा प्रतिकिलो १५ रुपैयाँसम्म बढेको छ। ‘दुई साता अगाडि ९६/९७ रुपैयाँमा बिक्री भइरहेको रडको भाउ अहिले प्रतिकिलो ११० रुपैयाँ पुगिसकेको छ’ उनले भने। इँटा र गिट्टी–बालुवामा भने मूल्य स्थिर रहेको उनले बताए। अहिले काठमाडौंमा ए ग्रेडको इँटा १६/१७ रुपैयाँ प्रतिगोटासम्म उपलब्ध छ।
बिज्ञापन
गिट्टी–बालुवा प्रतिटिपर २६/२७ हजार रुपैयाँसम्म रहेको छ। यसको मूल्य स्थिर रहे पनि सिमेन्ट र रडको मूल्य बढ्दा उपभोक्ता बढी मारमा परेको उनको भनाइ छ। उत्पादकले कुनै ठोस कारण विना बढाएको मूल्य फिर्ता लिन नेपाल निर्माण व्यवसायी महासंघले आग्रह गरेको छ। बढेको मूल्य फिर्ता नलिए निर्माण काम नै ठप्प पार्नेसम्मको चेतावनी महासंघको छ।
महासंघका महासचिव रोशन दाहालका अनुसार निर्माणको काम हुने सिजनमै सीमित सिमेन्ट उद्योगीले मूल्यवृद्धिसँगै उत्पादन समेत कटौती गरेका छन्। खुला बजार अर्थतन्त्रको नीति विपरीत निर्माण सामग्रीको भाउ बढाइएको उनको भनाइ छ। महासंघले मूल्यवृद्धि खारेज नगरे देशभरि निर्माण काम नै ठप्प पार्ने चेतावनी यसअघि दिइसकेको छ।
बिज्ञापन
