ताजा
लोकप्रिय
कैलालीमा ६ लाख बढीको भन्सार छलीको सामान बरामद गरिएको छ।
बिज्ञापन
जिल्ला प्रहरी कार्यालय कैलालीका अनुसार भारतीय नाकाहरूबाट भन्सार छली गरी ल्याएको करिब ६ लाख २ हजार ६५० मूल्य बराबरको अवैध बरामद गरिएको हो। जिल्ला प्रहरी कार्यालय कैलालीका प्रहरी नायव उपरीक्षक कवीन्द्र बोहराले त बरामद गरिएका सामान आवश्यक कारबाहीको लागि भन्सार कार्यालय पठाउने कार्य भइरहेको बताए।
बिज्ञापन
प्रहरीले धनगढी उप–महानगरपालिकास्थित आदर्श चोक र त्रिबेणीघाटबाट ३२ हजार ७५० मूल्य बराबरको माछा, चिनी, प्याज र किराना सामान फेला पारेको थियो। त्यसैगरी जिल्लाको गोदावरी नगरपालिका ३ चौकीडाडाबाट २ लाख ३१ हजार ८ सय बराबरको कपडा फेला पारेको छ।
जिल्लाको कैलारी गाउँपालिका ५ मनिकापुरबाट करिब १ लाख ९५ हजार ५ सय बराबरको २०० एएच ईनभटर, ब्याट्री, कपडा र नाइलन रसी फेला पारेको छ । कैलालीको टीकापुर नगरपालिका ८ बेलुवाबाट १ लाख ८ हजार ४ सय बराबरको तेल, मोजा, छिद्रा माछा र मम्फली बरामद गरेको छ।
बिज्ञापन
जिल्लाको भजनी नगरपालिकास्थित काँडा र पहलवानपुरबाट ३० हजार २ सय बराबरको छिद्रा माछा, हरियो खुर्सानी र सिंगाडा बरामद गरेको छ। त्यस्तै जोशीपुर गाउँपालिका ३ फाडियाबाट ४ हजार बराबरको चिनी बरामद गरेको प्रहरीले जनाएको छ।
