ताजा
लोकप्रिय
कवाड व्यवसायी समाजले सहज रुपमा पेशा व्यवसाय गर्न पाउनु पर्ने मागसहित प्रधानमन्त्री केपी शर्मा ओलीलाई ध्यानाकार्षण पत्र बुझाएको छ। बिहीबार प्रधानमन्त्री ओलीलाई भेटेर कवाडी व्यवसायी समाजका अध्यक्ष राम केवल गुप्ताले सरकारको ध्यानाकार्षण गराएका हुन् ।
बिज्ञापन
वर्षौँदेखि व्यवसाय गर्दै आएका कवाड व्यवसायीहरूलाई काठमाडौं महानगरपालिकाले अभद्र व्यवहार गरेको आरोप उनीहरूले लगाएका छन् । महानगरले वातावरण बिगारेको, आगलागीका घटना र चोरीका घटना बढाएको जस्ता झुटा आरोप लगाएर कवाड व्यवसायीलाई काठमाडौंबाट विस्थापित गर्न खोजेको उनीहरूको आरोप छ । महानगरले कवाड व्यवसायीमाथि गरिरहेको आक्रमण र तोडफोड तत्काल रोक्न लगाई सरल र सहज ढंगले सञ्चालन गर्ने वातावरण बनाइदिन प्रधानमन्त्री ओलीसमक्ष उनीहरू आग्रह गरेका छन् ।
बिज्ञापन
कवाड व्यवसायमाथि महानगरले तोडफोड गरेको, समान जफत गरेको, अभद्र व्यवहार गर्दै व्यवसायको दर्ता नवीकरण नगरेको र अन्य निकायमा पनि प्यान भ्याट दर्ता गर्न रोक लगाएको उनीहरूले बताएका छन् । कानुन बमोजिम दर्ता नवीकरण गराउन चाहेका कवाड व्यवसायलाई दर्ता नवीकरण गराउनुपर्ने, आफ्नो पेशा व्यवसाय गर्दै आएका कवाड व्यवसायीमाथिको अराजक गतिविधि रोक लगाउनुपर्ने र व्यवसाय गर्न पाउने हकको हनन हुन नहुने माग कवाड व्यवसायीहरूले गर्दै आएका छन् ।
बिज्ञापन
