ताजा
लोकप्रिय
बिज्ञापन
वाणिज्य, आपूर्ति तथा उपभोक्ता संरक्षण विभागले दैनिक उपभोग्य वस्तुका रूपमा प्रयोग हुने प्लाष्टिक बोतल र जारमा बिक्री वितरण भइरहेका प्रशोधित पानीको अधिकतम खुद्रा मूल्य (MRP) तोकेको छ।
बिज्ञापन
विभागले एक सूचना जारी गर्दै काठमाडौं उपत्यकामा १ लिटरको बोतल पानी १६ रुपैयाँ र उपत्यका बाहिर २० रुपैयाँ, त्यस्तै २० लिटरको जार उपत्यकामा ४७ रुपैयाँ र उपत्यका बाहिर ६० रुपैयाँमा बिक्री गर्नुपर्ने जनाएको छ।
यसअघि उपत्यकाभित्र र बाहिर व्यापारीहरूले मनपरी मूल्यमा बोतल तथा जारको पानी बेच्दै आएको भन्दै विभागले उपभोक्ताको हितका लागि मूल्य नियन्त्रण गर्न कदम चालेको हो। विभागले तोकिएको मूल्यभन्दा बढीमा पानी बिक्री वितरण गरेमा उपभोक्ता हित संरक्षण ऐन, २०७५ तथा नियमावली, २०७६ अनुसार कारबाही गरिने चेतावनीसमेत दिएको छ।
बिज्ञापन
साथै, मूल्य बढी लिएको पाइएमा विभाग वा मातहतका कार्यालयहरूमा उजुरी दिन पनि आम सर्वसाधारणमा आग्रह गरिएको छ।
