ताजा
लोकप्रिय
बिज्ञापन
नेपाल राष्ट्र बैंकले क्यासिनोलगायतका संस्थाहरूले अब इजाजत लिएर मात्र विदेशी मुद्राको कारोबार गर्न पाउने स्पष्ट व्यवस्था गरेको छ।
बिज्ञापन
विदेशी विनिमय (नियमित गर्ने) ऐन, २०१९ को दफा ३ अनुसार विदेशी मुद्राको कारोबार गर्न इजाजत अनिवार्य गरिएको प्रावधानलाई कार्यान्वयनमा ल्याउँदै राष्ट्र बैंकले यस्तो नयाँ व्यवस्था ल्याएको हो।
केन्द्रीय बैंकले शुक्रबार सार्वजनिक गरेको सूचनामा भनिएको छ, “विदेशी विनिमयसम्बन्धी विभिन्न विनियमावली जारी भइसकेको सन्दर्भमा अब क्यासिनोलगायतका संस्थाहरूले इजाजत लिएर मात्र विदेशी विनिमय (भारतीय मुद्रा समेत)को कारोबार गर्न पाउनेछन्।”
बिज्ञापन
यो व्यवस्थाले विदेशी मुद्रा कारोबारलाई थप नियमन र पारदर्शी बनाउन मद्दत पुग्ने राष्ट्र बैंकको भनाइ छ।
भुक्तानी प्रणालीमा कडाइ : कार्डमार्फत कारोबार सीमा घटाइयो
यससँगै, राष्ट्र बैंकले भुक्तानी प्रणालीसम्बन्धी एकीकृत निर्देशन जारी गर्दै डेबिट, प्रिपेड र क्रेडिट कार्डबाट हुने कारोबारमा नयाँ सीमा तोकेको छ।
डेबिट कार्ड
प्रतिकारोबार सीमा: रु २०,000
प्रतिदिन अधिकतम सीमा: रु ५०,000
(अघिल्लो सीमा रु १ लाख थियो)
प्रिपेड कार्ड
प्रतिकारोबार सीमा: रु १०,000
प्रतिदिन अधिकतम सीमा: रु २०,000
मासिक कारोबार सीमा: रु २ लाख
(प्रिपेड कार्डको सन्दर्भमा कुनै नयाँ संशोधन छैन)
क्रेडिट कार्ड
स्वीकृत सीमाको १० प्रतिशतसम्म कारोबार गर्न सकिने अघिल्लो व्यवस्था यथावत रहेको छ।
नयाँ सीमाले कार्ड दुरुपयोग र अवैध कारोबार नियन्त्रणमा सहयोग पुग्ने राष्ट्र बैंकको अपेक्षा छ।
