बैंकिङ ग्राहक अब केवल पैसा पठाउने र झिक्ने होइन, स्मार्ट र सुरक्षित सुविधा खोजिरहेका छन्। फरेस्टरको नयाँ अध्ययन अनुसार, सन् २०२७ सम्म मोबाइल बैंकिङ एपहरूमा सुरक्षा, पारदर्शिता, डिजिटल कार्ड, स्वतः बचत र ऋण व्यवस्थापनजस्ता सुविधा अनिवार्य बन्नेछन्।

बिज्ञापन

सुरक्षा चेतावनीदेखि ठगी नियन्त्रण, क्रेडिट निर्माणदेखि सदस्यता व्यवस्थापनसम्म -ग्राहकको अपेक्षा तीव्र रूपमा बढिरहेको छ। नयाँ पुस्ता विशेषतः यस्ता डिजिटल उपकरणहरू आफ्नो वित्तीय अनुशासनका लागि आवश्यक मान्न थालेका छन्।

बिज्ञापन

सन् २०२७ सम्म बैंक एपहरूमा कुन–कुन सुविधा अनिवार्य हुने भनेर एक अध्ययन सार्वजनिक भएको छ। यो अध्ययन प्रतिष्ठित संस्था फरेस्टरले गरेको हो।

अध्ययन अनुसार सबैभन्दा धेरै माग भएको सुविधा हो- ठगी रोकथाम गर्ने प्रणाली। करिब ८० प्रतिशत ग्राहकले बैंक एपभित्र हुने यस्तो सुरक्षा उपकरणलाई सबैभन्दा उपयोगी भनेका छन्।

बिज्ञापन

सुरक्षा चेतावनी दिने सुविधा पनि लोकप्रिय बन्दै गएको छ। ग्राहकहरू अब आफ्नो व्यक्तिगत र वित्तीय डेटा कसरी प्रयोग भएको छ भन्ने कुरा हेर्न, बुझ्न र नियन्त्रण गर्न सक्ने उपकरण चाहन्छन्। यो सुविधा भारतका ग्राहकहरूले सबैभन्दा आवश्यक मानेका छन्।

अष्ट्रेलिया, चीन र भारतका ६० प्रतिशतभन्दा बढी ग्राहकहरूले क्रेडिट बनाउन सहयोग गर्ने र ऋण व्यवस्थापन गर्ने उपकरण उपयोगी भएको बताएका छन्। यस्तो सुविधा मानिसको आर्थिक सुधारमा सहयोगी हुन्छ।

फरेस्टरले भनेको छ- अब बैंक एपहरू अपांगता भएका व्यक्तिहरूका लागि पनि सहज बनाउनुपर्छ। यसले सबै ग्राहकलाई पहुँच दिनेछ र नियमको पालना पनि हुनेछ।

त्यस्तै, डिजिटल प्रविधिमा आधारित भर्चुअल कार्ड, एक पटक प्रयोग हुने कार्ड र नम्बर नदेखिने कार्ड पनि धेरै ग्राहकलाई मन परेको सुविधा हो। यस्ता कार्डहरू सुरक्षित, छिटो र सजिलो मानिन्छन्। फिनटेक कम्पनीहरूले यस्तो सेवा अगाडि बढाइसकेकाले परम्परागत बैंकहरूले पनि ती प्रविधिमा सुधार गर्नुपर्ने देखिएको छ।

अध्ययनले देखाएको छ- अहिले धेरै मानिसहरू विभिन्न सेवामा सदस्यता लिन्छन्। त्यसैले, बैंक एपमा सब्स्क्रिप्सन व्यवस्थापन गर्ने टुल पनि आवश्यक बन्नेछ। यस्तो टुल जेन जेड र मिलेनियल पुस्ताका ग्राहकहरूबीच धेरै रुचाइएको छ।

अन्त्यमा, ग्राहकहरूले स्वचालित रूपमा बचत गर्न र खर्चको योजना बनाउन सहयोग गर्ने उपकरण पनि उपयोगी मानेका छन्। यस्तो टुलले बचत सजिलै गर्न र व्यक्तिगत बजेट बनाउन मद्दत गर्छ।