स्वस्तिक लघुवित्त वित्तीय संस्था लिमिटेडले आज सर्वसाधारणका लागि निष्कासन गरेको आईपीओ बाँडफाँड गरेको छ। कम्पनीले साउन ३० गतेदेखि भदौ ३ गतेसम्म प्रतिकित्ता १०० रुपैयाँको दरले कुल १ लाख ९५ हजार १९५ कित्ता साधारण सेयर (आईपीओ) बिक्रीमा ल्याएको थियो।

बिज्ञापन

उक्त अवधिमा कुल २४ लाख ४० हजार ४६० जनाले २ करोड ७४ लाख ६४ हजार ५७० कित्ताका लागि आवेदन दिएका थिए। तीमध्ये २ हजार ३०० जनाको आवेदन प्रक्रिया नपुगेको भन्दै रद्द गरिएको छ।

बिज्ञापन

रीतपूर्वक आवेदन दिएका २४ लाख ३६ हजार ३९३ रहेकोमा, १९ हजार ५१९ जनाले १०/१० कित्ताका दरले सेयर पाएका छन्। त्यसबाहेक, १० कित्ताभन्दा बढीको आवेदन दिएका मध्ये थप ५ जनाले १/१ कित्ता अतिरिक्त सेयर पाई ११ कित्ताका दरले सेयर प्राप्त गरेका छन्।

कम्पनीले नतिजा अनलाइनमा सार्वजनिक हुन केही समय लाग्ने जानकारी दिएको छ। मेरो सेयरको वेबसाइटः– https://iporesult.cdsc.com.np/, बिक्री प्रबन्धकको वेबसाइटः– https://result.nabilinvest.com.np/search/ipo-share र मेरो सेयर एपः– https://meroshare.cdsc.com.np/#/login मा नतिजा हेर्न सकिन्छ ।

बिज्ञापन