ताजा
लोकप्रिय
रुसको सुदूर पूर्वी क्षेत्र अमुरमाको दुर्गम ठाउँमा यात्रुवाहक विमान दुर्घटना भएको छ । पाँच बालबालिकासहित ४३ यात्रु र ६ चालक दलका सदस्य गरी ४९ जना सवार अङ्गारा एअरलाइन्सको एएन–ट्वान्टी फोर विमान दुर्घटना भएको अन्तर्राष्ट्रिय समाचार संस्था एएफपीले जनाएको छ ।
बिज्ञापन
ब्लागोभेश्चेन्स्क शहरबाट टिन्डा शहरतर्फ जाँदै गरेको विमान स्थानीय समय अनुसार आज दिउँसो १ बजे राडारबाट सम्पर्कविहीन भएको थियो । पछि एउटा उद्धार हेलिकप्टरले टिन्डाबाट झन्डै १६ किलोमिटर टाढाको जङ्गल भएको क्षेत्रमा जलिरहेको विमान देखेको खबरमा उल्लेख छ । रुसी अनुसन्धानकर्ताहरूले प्रकाशित गरेको भिडियोहरूमा घना, जङ्गली क्षेत्रमा विमानको भग्नावशेषबाट धूवाँको मुस्लो उडिरहेको देखिएको छ । हेलिकप्टरमा रहेका उद्धारकर्ताहरूले कुनै बाँचेकाको प्रमाण नदेखेको बताएका छन् ।
बिज्ञापन
टिन्डा विमानस्थलमा दोस्रो पटक पुग्ने प्रयास गर्दा विमान दुर्घटना भएको रुसको सुदूर पूर्वी यातायात अभियोजकको कार्यालयले जनाएको छ । एन्टोनोभ–ट्वान्टी फोर एक लोकप्रिय, सोभियत–डिजाइन गरिएको दुई प्रोपेलर विमान हो । यसले पहिलो पटक सन् १९५९ मा सेवा शुरू गरेको थियो ।
बिज्ञापन
