ताजा
लोकप्रिय
बुढीनन्दा नगरपालिकाकाका उपप्रमुख रामबहादुर बोहरा पुनः नेपाली कांग्रेसमै फर्किएका छन् । पालिकामा कांग्रेसबाट टिकट नपाएपछि बोहरा रिसाएर नेकपा एमाले प्रवेश गरेका थिए । २०७९ सालको स्थानीय तह निर्वाचनमा नगर उपप्रमुख पदमा स्वतन्त्र उम्मेदवारी दिने शर्तसहित उनी एमाले प्रवेश गरेका थिए ।
बिज्ञापन
बोहरालाई नेपाली कांग्रेसका सभापति शेरबहादुर देउवाले स्वागत गरेका छन् । बाजुराका कांग्रेस नेताहरूको उपस्थितिमा फर्किएका बोहराको स्वागतमा पदम गिरीको उपस्थिति भने देखिएन । कांग्रेस बाजुरा सभापति रामसिंह रावल, नेताहरू जनकराज गिरी, कविराज पण्डित, महा नेपाली, जुना दानी, चक्र शाहसहित प्रवेश कार्यक्रमका सहभागी थिए ।
बिज्ञापन
तत्कालीन नेपाली कांग्रेस निर्वाचन क्षेत्र प्रदेश ‘क’ का क्षेत्रीय कार्यसमिति सभापतिसमेत रहेका बोहराले जित लगत्तै कांग्रेस फर्किने मनसायमा थिए । नेपाली कांग्रेसले समेत बेवास्ता गरेपछि एमालेमै अढाई वर्ष बिताएका थिए । तत्कालीन नगर प्रमुख पदम गिरीलाई नै कांग्रेसले टिकट दिएपछि बोहरा बिच्किएका थिए । आफूले टिकट पाउने, उपप्रमुखमा एमालेसँगै मिलेर जित्ने र पदम गिरीलाई जसरी पनि हराउने नियतका साथ बोहरा एमाले प्रवेश गरेका थिए । त्यो बेला नेकपा एमालेको पक्षमा बढ्दो लहर र कांग्रेस नेतृत्वको ५ वर्ष नगर सरकारको कार्यकालदेखि हैरान बनेका स्थानीयले भारी अन्तरले नगर प्रमुख र उपप्रमुख दुबैलाई जिताएका थिए ।
एमालेको तर्फबाट उम्मेदवार बनेका जनककुमार बोहराले पदम गिरीलाई १८ सय बढी मत अन्तरले हराएका थिए । गुलाब चिह्नबाट स्वतन्त्र बनेर एमालेको सहयोगमा जितेका बोहराले पनि कांग्रेसकै रीता शाहीविरुद्ध शानदार जित दर्ता गराएका थिए । तीन दशक नेपाली कांग्रेसको राजनीतिमा सक्रिय बोहरा नेकपा एमालेमा सहज समायोजन हुन सकेनन् । एमालेका नेता कार्यकर्ताले दिनु पर्ने मान सम्मान र स्थान नदिएको गुनासो बोहराको थियो । गत जेठमा सम्पन्न नेकपा एमाले बाजुराको आठौं जिल्ला अधिवेशनमा पदाधिकारी बन्ने चाहना राखेका बोहरालाई नपत्याएको उनको आक्रोश थियो ।
बिज्ञापन
