साताको कारोबारको तेस्रो दिन आज सेयर बजारमा झिनो अंकको सुधार भएको छ ।

बिज्ञापन

शेयर बजार परिसूचक नेप्से ३ दशमलव ८० अंकले वृद्धि भएर २७८६.४० बिन्दुमा कायम भएको छ । अघिल्लो दिन १११ अंकको गिरावट आएको शेयर बजार बुधवार उतारचढावपूर्ण देखियो । शुरूमा आक्रामक ढंगले बढेको बजार दोहोरो अंकको गिरावटसम्म पुगेको थियो । अन्तिममा २७८६ बिन्दुमा आएर थामियो । बिक्री चाप कम भएपनि खरिदकर्ता समेत पर्ख र हेरको रणनीतिमा रहँदा कारोबार रकम स्वाट्टै घटेको छ ।

बिज्ञापन

३ दिनयता लगातार १८र१९ अर्ब हाराहारीमा कारोबार हुँदै आएकोमा बुधबार १३ अर्ब ७२ करोडमा सीमित भएको छ । बुधबार ९७ कम्पनीका लगानीकर्ताले कमाएका छन् भने १४३ कम्पनीको शेयर मूल्यमा गिरावट आएको छ । ४ कम्पनीको मूल्य यथावत रह्यो । लिबर्टी इनर्जी, हिमालयन हाइड्रोपावर र मिड सोलु हाइड्रोपावरको मूल्यमा १० प्रतिशत वृद्धि हुँदा कर्णाली डेभलपमेन्ट बैंकका लगानीकर्ताले सर्वाधिक ६ दशमलव ८८ प्रतिशत गुमाएका छन् ।

बिज्ञापन