ताजा
लोकप्रिय
हालसम्म ८ वटा विकास बैंकले गत आर्थिक वर्षको मुनाफाबाट लाभांश घोषणा गरेका छन्। यी बैंकहरुले हाल कायम चुक्ता पुँजीको आधारमा लाभांश दिने निर्णय गरेका हुन्।
बिज्ञापन
हालसम्म लाभांश घोषणा गर्ने विकास बैंकहरुमा ग्रिन डेभलपमेन्ट बैंक, कामना सेवा विकास बैंक, शाइन रेसुङगा डेभलपमेन्ट बैंक, मितेरी डेभलपमेन्ट बैंक, महालक्ष्मी विकास बैंक, सांग्रिला डेभलपमेन्ट बैंक, गरिमा विकास बैंक र लुम्बिनी विकास बैंक रहेका छन्।
बिज्ञापन
ग्रिन डेभलपमेन्ट बैंकले ६.०५२७ प्रतिशत लाभांश दिने निर्णय गरेको छ, जसमा ५.७५ प्रतिशत बोनश शेयर र ०.३०२७ प्रतिशत नगद लाभांश रहनेछ। बैंकले साधारण सभा र लाभांश वितरणका लागि बुक क्लोज मिति तय गरेको छैन। कामना सेवा विकास बैंकले १२ प्रतिशत लाभांश दिने घोषणा गरेको छ, जसमा ७ प्रतिशत बोनश शेयर र ५ प्रतिशत नगद लाभांश रहनेछ।
शाइन रेसुङगा डेभलपमेन्ट बैंकले ८ प्रतिशत लाभांश दिने निर्णय गरेको छ। यसमा ३ प्रतिशत बोनश शेयर र ५ प्रतिशत नगद लाभांश हुने जनाइएको छ। मितेरी डेभलपमेन्ट बैंकले १०.०८३ प्रतिशत लाभांश दिने निर्णय गरेको छ। यसमा ९.५०७९ प्रतिशत बोनश शेयर र ०.५००४ प्रतिशत नगद लाभांश रहेको छ।
बिज्ञापन
महालक्ष्मी विकास बैंकले ७ प्रतिशत लाभांश दिने घोषणा गरेको छ, जसमा ३ प्रतिशत बोनश शेयर र ४ प्रतिशत नगद लाभांश रहनेछ। सांग्रिला डेभलपमेन्ट बैंकले ३.८४ प्रतिशत लाभांश दिने निर्णय गरेको छ। यसमा ३.६५ प्रतिशत बोनश शेयर र ०.१९ प्रतिशत नगद लाभांश रहेको छ।
गरिमा विकास बैंकले ५ प्रतिशत नगद लाभांश दिने निर्णय गरेको छ, र यसले बोनश शेयर दिने निर्णय गरेको छैन। लुम्बिनी विकास बैंकले ७ प्रतिशत लाभांश दिने घोषणा गरेको छ, जसमा ३ प्रतिशत बोनश शेयर र ४ प्रतिशत नगद लाभांश रहनेछ।
ग्रिन डेभलपमेन्ट बैंक बाहेक अन्य सबै बैंकहरुले आफ्नो बुक क्लोज मिति तय गरिसकेका छन् र अधिकांशले साधारण सभा पनि सम्पन्न गरिसकेका छन्।
