ताजा
लोकप्रिय
फागुन २५ गतेदेखि बस्ने जनमत पार्टीको केन्द्रीय समितिको बैठकका लागि एजेन्डा तय गर्न भोलि सचिवालयको बैठक बस्ने भएको छ ।
बिज्ञापन
महोत्तरीको बर्दिबासमा सचिवालयको बैठक बसेर केन्द्रीय समितिको लागि एजेन्डा तय गर्ने जनमत पार्टीका उपाध्यक्ष ई।दीपक साहले बताए । फागुन २५ गतदेखि सुरु हुने केन्द्रीय समितिको बैठक दुई दिनसम्म चल्नेछ। फागुन २७ गते प्रदेश समन्वय समिति, मधेस प्रदेशको बैठक पनि बस्ने बताइएको छ।
बिज्ञापन
केन्द्रीय समितिको बैठकमा सङ्गठन सम्बन्धी विषयमा विशेष छलफल हुने बताउँदै उपाध्यक्ष साहले हालै सम्पन्न भएको यु ट्वान्टी फोर अभियानको बारेमा पनि समीक्षा हुने बताए। जनमत पार्टीले मधेस प्रदेश सरकारको नेतृत्व गरिरहेको छ । सरकारको काम कारबाहीका बारेमा पनि बैठकले समीक्षा गर्ने बताइएको छ। रेसम चौधरी नेतृत्वको नागरिक उन्मुक्ति पार्टीसँग एकताका लागि जनमत पार्टीको छलफल चलिरहेको छ। त्यसको विषयमा पनि केन्द्रीय समितिको बैठकमा छलफल हुने बताइएको छ।
ती दुई दल बिचको एकता प्रक्रिया अन्तिम चरणमा पुगेको छ। दुई जना अध्यक्षको बिचमा पटक–पटक छलफल भएको छ। छलफल सकारात्मक रूपमा अगाडि बढिरहेको छ । सो विषयमा केन्द्रीय समितिको बैठकबाट जनमत पार्टी निष्कर्षमा पुग्ने बताइएको छ। उता, जनमत पार्टीसँग एकता गर्ने अन्तिम तयारीमा रहेको नागरिक उन्मुक्ति पार्टीका अध्यक्ष रञ्जिता श्रेष्ठ भने त्यसबारे अनविज्ञता प्रकट गरेकी छन्।
बिज्ञापन
उनले एकीकरणका लागि कुनै पनि पार्टीसँग औपचारिक छलफल सुरु नभएको बताइन्।
