प्रधानमन्त्री सुशीला कार्कीले आज दुई जना नयाँ मन्त्रीलाई मात्र नियुक्त गर्ने भएकी छन्। यसअघि चार जना मन्त्रीलाई शपथ गराउने तयारी भए पनि अन्तिम समयमा दुई जनाको नाम सूचीबाट हटाइएपछि आज डा. सुधा गौतम र बब्लु गुप्ता ले मात्र शपथ ग्रहण गर्ने भएका हुन्।

बिज्ञापन

डा. गौतमले स्वास्थ्य मन्त्रालय र गुप्ताले खेलकुद मन्त्रालय सम्हाल्ने भएका छन्। प्रधानमन्त्री निवास बालुवाटारमा आज दिउँसो उनीहरूलाई राष्ट्रपति रामकृष्ण यादवले शपथ गराउने कार्यक्रम तय गरिएको छ। सरकारी स्रोतका अनुसार प्रारम्भिक सूचीमा परेका खगेन्द्र सुनार र गणपतिलाल श्रेष्ठ अन्तिम समयमा बाहिरिएका छन्। सुनारविरुद्ध विभिन्न अदालतमा मुद्दा रहेकाले उनको नाम फिर्ता लिइएको हो।

बिज्ञापन

त्यस्तै सांस्कृतिक अभियन्ताका रूपमा परिचित गणपतिलाल श्रेष्ठलाई भूमि व्यवस्था, सहकारी तथा गरिबी निवारण मन्त्रालयको जिम्मेवारी दिने तयारी थियो। तर, मन्त्रालयको कार्यक्षेत्र र नीति दिशामा मतभेद देखिएपछि उनले शपथ नलिने निर्णय गरेको स्रोतले जनाएको छ।

यससँगै हाल सरकारमा प्रधानमन्त्री कार्कीसहित नौ मन्त्री छन् —
अर्थमन्त्री रामेश्वर खनाल,
गृहमन्त्री ओमप्रकाश अर्याल,
उद्योग, वाणिज्य तथा आपूर्ति; कानून, न्याय तथा संसदीय मामिला तथा भूमि व्यवस्था, सहकारी तथा गरिबी निवारण मन्त्री अनिलकुमार सिन्हा,
शिक्षामन्त्री महावीर पुन,
कृषि मन्त्री मदान प्रसाद परियार, र
सञ्चारमन्त्री जगदीश खरेल।
नयाँ मन्त्री थपिएसँगै प्रधानमन्त्री कार्कीको मन्त्रिपरिषद् विस्तार प्रक्रिया निरन्तर जारी रहने बताइएको छ।

बिज्ञापन