ताजा
लोकप्रिय
प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले देश गम्भीर दुर्घटनातर्फ अघि बढेको र त्यसलाई आफ्नो पार्टी बाहेक कसैले जोगाउन नसक्ने दावी गरेका छन् । जनतासँग माओवादी तराई मधेश जागरण अभियान अन्तर्गत मोरङको कानेपोखरीमा मंगलबार आयोजित खबरदारी सभालाई सम्बोधन गर्दै प्रचण्डले त्यसका लागि आन्दोलनको नेतृत्व गर्नसमेत तयार रहेको बताए ।
बिज्ञापन
‘उमेरले ७० काटे पनि फेरि एउटा ठूलो आन्दोलनको नेतृत्व गर्ने आँट मभित्र छ । तपाईहरूले देख्नु भएको छ, विहानदेखि बेलुकासम्म पूर्वदेखि पश्चिमसम्म हिमालदेखि पहाड तराईसम्म म लगातार जनतालाई अपिल गरेर हिँडिरहेको छु ।’ प्रचण्डले भने, ‘किनकी यो देश दुर्घटनामा पर्दैछ । भविष्यमा म भन्न सक्दिनँ तर यतिबेला माओवादी केन्द्रबाहेक अरु कसैले राजनीतिक परिवर्तनको रक्षा गर्न सक्दैन ।’
बिज्ञापन
उनले जनताले हिजो गरेको भरोसा कायम राख्न नसेको र अहिले आत्मसमीक्षा गरेर आएको भन्दै एकपटक फेरि माओवादीलाई सशक्त बनाइदिन आग्रह गरे । उनले कांग्रेस र एमालेसँगको संगतबाट दुवै पार्टीको रोग अलिअलि सरेकाले आफूहरू विरामी भएको भन्दै जनताले मात्र उपचार गर्न सक्ने भन्दै जागरण अभियान लिएर आएको बताए ।
बिज्ञापन
