ताजा
लोकप्रिय
अन्नपूर्ण गाउँपालिका कास्की र मोदी गाउँपालिका, पर्वत अन्तर्गत रहेको मध्यमोदी जलविद्युत् आयोजनामा स्थानीयले ताला लगाएका छन्।
बिज्ञापन
आयोजनाले प्रभावित क्षेत्रमा सहमति अनुसार अन्नपूर्ण गाउँपालिका वडा नम्बर ४,५,६,७ र ८ मा सामाजिक उत्तरदायित्वको बजेट पूर्ण रुपमा लगानी नगरेको, आयोजनासँग सम्झौता भएर निर्माण सम्पन्न भएका विकास योजनामा उपभोक्ता समितिलाई ४ वर्षदेखि भुक्तानी नगरेको भन्दै स्थानीयले आवाज उठाउँदै आएका थिए।
बिज्ञापन
मोदीखोलामा १० प्रतिशत पानीको बहाब नछोडेको, आयोजना निर्माणाधीन अवस्थामा बम ब्लास्ट गर्दा स्थानीय जनताको घर भत्किएको र क्षतिपूर्ति उपलब्ध नगराएको, वडा कार्यलय र गाउँपालिका कार्यालयमार्फत पटकपटक सिफारिस गर्दा पनि बेवास्ता गरी सुनुवाई नगरेको आरोप स्थानीयको छ। आयोजनाले स्थानीयको लागि साधारण शेयर जारी नगरेको आरोप लगाउँदै अन्नपूर्ण –७ कास्कीका युवा नेता विष्णु चापागाईंको नेतृत्वमा गएको समूहले आयोजना पीडित उपभोक्ता समिति तथा जनताहरूको तर्फबाट तालाबन्दी गरेको हो।
आयोजना स्थलमा मर्मत सम्भारको लागि काम गरिरहेको डोजर (एक्साभेटर) को चाबी पनि सो समूहले कब्जा गरेर लिएको छ। स्थानीयको माग सम्वोधन गर्नुपर्ने माग आफूहरूको पनि रहेको अन्नपूर्ण गाउँपालिका वडा नम्बर ७ का अध्यक्ष भरतमान गुरूङले जानकारी दिए।
बिज्ञापन
