ताजा
लोकप्रिय
काठमाडौंको त्रिभुवन अन्तर्राष्ट्रिय विमानस्थलमा आज बिहान ओर्लिएको कुवेत एयरलाइन्सको विमानले लगेज छुटाइदिएपछि यात्रुहरु मर्कामा परेका छन् ।
बिज्ञापन
कुवेत एयलाइन्सको उडान नम्बर केयू ३९१ विमान आज बिहान साढे ६ बजे त्रिभुवन अन्तर्राष्ट्रिय विमानस्थलमा ओर्लिएको थियो । तर यात्रुहरुले आफ्ना लगेज पाएनन् । सोही विमान चढेर काठमाडौं आएका एक यात्रुले दशैं मनाउन आउँदा लगेजनै छुटेपछि खल्लो लागेको बताए । उनले भने, ‘लगेजमा दशैंका लागि किनमेल गरेका सामानहरु पनि थिए । त्यही छुट्दा खल्लो हुने भयो ।’ उनका अनुसार करिब ८० प्रतिशत यात्रुको लगेज छुटेको छ ।
बिज्ञापन
यात्रुहरुले काठमाडौंको त्रिभुवन अन्तर्राष्ट्रिय विमानस्थलमा रहेको कुवेत एयरलाइन्सको कार्यालयमा लगेज दाबी गर्दै निवेदनसमेत दिएका छन् । त्यस्तो निवेदनलाई ‘प्रपर्टि इरेगुलारिटी रिपोर्ट –पी.आई.आर’ भनिन्छ । ती यात्रुका अनुसार कुवेत एयरलाइन्सका कर्मचारीहरुले आगामी सोमबारसम्म सुरक्षित रुपमा लगेज उपलब्ध गराउने बताएका छन् ।
बिज्ञापन
