ताजा
लोकप्रिय
आगामी दुई दिन अत्यधिक वर्षा हुन सक्ने हिमाली तथा पहाडी जिल्लामा रात्रिबस नचलाउन मनसुन पूर्व तयारी तथा प्रतिकार्य कमान्ड पोस्टले निर्देशन दिएको छ।
बिज्ञापन
जल तथा मौसम विज्ञान विभागले असोज १० देखि १३ गतेसम्म देशभर वर्षा हुने र केही जिल्लामा अत्यधिक वर्षाको सम्भावना रहेको आकलन गरेको छ। जसले गर्दा केही जिल्लामा उच्च जोखिम रहेको विभागले जनाएको छ।
बिज्ञापन
विभागले उच्च जोखिमको अनुमान गरेका हिमाली र पहाडी जिल्लामा सतर्कता अपनाउन राष्ट्रिय विपद् जोखिम न्यूनीकरण तथा व्यवस्थापन प्राधिकरण अन्तर्गतको मनसुन पूर्व तयारी तथा प्रतिकार्य कमान्ड पोस्टले आग्रह गरेको हो। कमान्ड पोस्टको बिहीबार बसेको बैठकले हिमाली र पहाडी जिल्लामा असोज ११ र १२ गते रात्रिबस नचलाउने निर्णय भएको प्रवक्ता डिजन भट्टराईले जनाएका छन्।
त्यस्तै, धान नकाट्न, काटिसकेको धान तत्काल थन्क्याउन र तराई तथा मधेश क्षेत्रमा सकेसम्म भुइँतलामा अन्नपात नराख्न आग्रह गरिएको छ। यस्तै, पहिरोको जोखिम भएका स्थान र नदी किनारका बस्तीमा उच्च सतर्कता अपनाउन, दाउरा निकाल्न तथा माछा मार्नका लागि नदी किनारमा नजान पनि अनुरोध गरिएको छ।
बिज्ञापन
यससँगै खोज तथा उद्धारका लागि तीन वटै सुरक्षा निकाय र स्वयंसेवकलाई पनि तयारी अवस्थामा राख्न भनिएको छ। यो अवधिभर अत्यन्त जरूरी अवस्थामा बाहेक यात्रा नगर्न पनि आग्रह गरिएको छ।
