ताजा
लोकप्रिय
बिज्ञापन
इजरायलमा हमासको आक्रमणका क्रममा मारिएका कञ्चनपुरका विपिन जोशीको शव भोलि (सोमबार) नेपाल ल्याइँदैछ। फ्लाई दुबईको विमानमार्फत् उहाँको शव काठमाडौं ल्याउने तयारी गरिएको परराष्ट्र मन्त्रालयले जनाएको छ।
बिज्ञापन
विमान भोलि दिउँसो त्रिभुवन अन्तर्राष्ट्रिय विमानस्थलमा अवतरण गर्ने तालिका तय भएको छ। विमान अवतरणलगत्तै विपिनप्रति राजकीय सम्मानस्वरूप श्रद्धाञ्जली कार्यक्रम आयोजना गरिने छ।
प्रधानमन्त्रीदेखि मन्त्रीहरू सहभागी हुने
बिज्ञापन
प्रधानमन्त्री, विभिन्न मन्त्रीहरू, परराष्ट्र मन्त्रालयका उच्च अधिकारीहरू, तथा जोशीका परिवारजनको उपस्थितिमा श्रद्धाञ्जली अर्पण गरिने तयारी छ।
हमासको आक्रमणमा परेका थिए
कञ्चनपुरका विपिन जोशी, अध्ययनको शैक्षिक कार्यक्रमअन्तर्गत इजरायल गएका थिए। सन् २०२३ अक्टोबर ७ मा हमासले इजरायलको किबुत्ज क्षेत्रमा गरेको आक्रमणका क्रममा उनी बन्धक बनाइएका थिए। त्यसयता उनको अवस्था अज्ञात थियो।
गत असोज २७ गते (२०२५ अक्टोबर १३) मा इजरायली अधिकारीहरूले उनको मृत्यु भएको पुष्टि गरेका थिए। त्यसयता उनको शव नेपाल ल्याउने प्रक्रिया अघि बढाइएको थियो।
विपिनको निधनले नेपाली जनता, विशेषगरी विद्यार्थी समुदाय र वैदेशिक अध्ययनमा रहेका युवाहरूमा गहिरो पीडा छाएको छ। सरकारले उनको मृत्युपछि राज्यस्तरीय सम्वेदना व्यक्त गर्दै, शोक प्रकट गरेको थियो।
