ताजा
लोकप्रिय
बिज्ञापन
गत भदौ २३ र २४ गते भएको जेनजी आन्दोलनका क्रममा भएका आगजनी र तोडफोडबाट क्षति पुगेका भौतिक संरचनाको पुनर्निर्माणका लागि सरकारले स्थापना गरेको कोषमा हालसम्म ६ करोड १० लाख रुपैयाँ संकलन भएको छ।
बिज्ञापन
अर्थ मन्त्रालयका प्रवक्ता टङ्कप्रसाद पाण्डेयका अनुसार आज बिहानसम्म राष्ट्रिय वाणिज्य बैंक सिंहदरबार शाखामा खोलिएको कोषको खातामा उक्त रकम जम्मा भइसकेको हो।
सरकारको आह्वानपछि योगदान
बिज्ञापन
सरकारले कोषमा योगदानका लागि सर्वसाधारण नागरिक, निजी क्षेत्र, गैरआवासीय नेपाली (NRNs), विकास साझेदार तथा विभिन्न संघसंस्था र दातृ निकायलाई आह्वान गरेको थियो।
यस कोषमार्फत आन्दोलनका बेला क्षति पुगेका सार्वजनिक सम्पत्ति, भवन, सडक, पुल, शिक्षा संस्था र अन्य पूर्वाधारहरूको पुनर्निर्माण गरिनेछ।
कर कटौतीको सुविधा
सरकारले कोषमा दिने आर्थिक सहायता हालको आर्थिक वर्षको करयोग्य आम्दानी गणनामा कटौती गर्न सकिने व्यवस्था गरेको छ। यसले निजी क्षेत्र र संस्थाहरूलाई आर्थिक सहयोग गर्न थप प्रोत्साहन दिने अपेक्षा गरिएको छ।
खाताको विवरण
पुनर्निर्माण कोषमा रकम जम्मा गर्न इच्छुकले राष्ट्रिय वाणिज्य बैंक, सिंहदरबार शाखामा रहेको खाता नम्बर १९६०१००१०२०७०००४ मा सहयोग रकम जम्मा गर्न सक्नेछन्।
योगदानकर्ताको विवरण सार्वजनिक हुने
अर्थ मन्त्रालयले कोषमा योगदान गर्ने व्यक्तिहरू र संस्थाहरूको विवरण चाँडै सार्वजनिक गर्ने जनाएको छ। यसले पारदर्शिता कायम राख्ने र अन्यलाई पनि योगदान दिन प्रेरणा दिने विश्वास गरिएको छ।
