ताजा
लोकप्रिय
बिज्ञापन
सोमबार काठमाडौंमा भएको गोलीकाण्डपछि पनि सडकमा उत्रिएका युवाहरूको प्रदर्शन नरोकिएपछि स्थानीय प्रशासनले काठमाडौं, ललितपुर र भक्तपुरका विभिन्न क्षेत्रमा कर्फ्यु आदेश जारी गरेको छ। जिल्ला प्रशासन कार्यालयहरूबाट जारी गरिएको आदेशअनुसार, अर्को सूचना नआएसम्म कर्फ्यु जारी रहनेछ। आदेशअनुसार, तोकिएका क्षेत्रमा आवतजावत गर्न, भेला, जुलुस, सभा, बैठक वा कुनै पनि किसिमका प्रदर्शन गर्न पाइने छैन।
बिज्ञापन
काठमाडौंका प्रमुख जिल्ला अधिकारी छविलाल रिजालद्वारा जारी आदेशमा भनिएको छ कि बालकुमारी पुलदेखि कोटेश्वर चोक, सिनामंगल, गौशाला, चावहिल, नारायणगोपाल चोक, गोंगबु, बालाजु र कलंकीलगायत रिंगरोडभित्रको क्षेत्रलाई चार किल्ला तोकी पूर्णरूपमा निषेध गरिएको छ।
बिज्ञापन
ललितपुरका प्रमुख जिल्ला अधिकारी सुमन घिमिरेले राति १२ बजेसम्म लागू हुनेगरी कर्फ्यु आदेश जारी गरेका छन्। भैंसेपाटी, एकान्तकुना, सानेपा, बल्खु, मनोहरा खोला आसपासका क्षेत्रमा कर्फ्यु लागू गरिएको छ।
भक्तपुरका प्रमुख जिल्ला अधिकारी नमराज घिमिरेले जडिबुटी, राधेराधे, बालकोट, निकोसेरा र पेप्सीकोला क्षेत्रलाई लक्षित गरी मंगलबार बिहान साढे ८ बजेदेखि अनिश्चितकालीन कर्फ्यु आदेश जारी गरेका छन्।
सोमबार राजधानीको बानेश्वर क्षेत्रमा भएको प्रदर्शन उग्र बनेपछि गोली चल्दा १९ जनाको ज्यान गएको थियो भने ४ सयभन्दा बढी घाइते भएका थिए। त्यसपछिका दिनहरूमा समेत प्रदर्शन जारी रहेकाले जनजीवन प्रभावित भएको छ। प्रशासनले शान्ति सुरक्षाको अवस्था जटिल बन्दै गएकाले जनसाधारणलाई तोकिएको क्षेत्रमा नजान, सुरक्षाकर्मीलाई सहयोग गर्न र अफवाहमा नपर्न आग्रह गरेको छ।
