काठमाडौं । चालु आर्थिक वर्षको पहिलो महिनामा (साउन) नेपालले रु १ खर्ब १९ अर्ब १० करोड ८२ लाख बराबरको व्यापार घाटा व्यहोरेको छ। भन्सार विभागका अनुसार यो अवधिमा कुल वैदेशिक व्यापार रु १ खर्ब ६६ अर्ब ९७ करोड ३१ लाख बराबरको भएको छ।

बिज्ञापन

साउनमा देशले रु १ खर्ब ४३ अर्ब ४ करोड बराबरको आयात र रु २३ अर्ब ९३ करोड २४ लाख बराबरको निर्यात गरेको छ। गत आर्थिक वर्षको सोही महिनाको तुलनामा यस वर्ष आयात ११.४२ प्रतिशत र निर्यात ९५.७५ प्रतिशतले वृद्धि भएको विभागले जनाएको छ।

बिज्ञापन

भारत र चीनसँगको व्यापार

भारतसँग साउन महिनामा रु ८३ अर्ब ५३ करोड ९९ लाख बराबरको आयात र रु १९ अर्ब ४५ करोड २० लाख बराबरको निर्यात हुँदा मुलुकले रु ६४ अर्ब ८ करोड ७८ लाख घाटा व्यहोरेको छ।
चीनसँग भने रु २७ अर्ब ९९ करोड ६० लाख बराबरको आयात र रु ५ करोड ४८ लाख बराबरको निर्यात हुँदा रु २७ अर्ब ९४ करोड १२ लाख घाटा भएको छ।
जर्मनी, अफगानिस्तान, संयुक्त राज्य अमेरिका, रुस, बेल्जियम, नर्वेसहितका केही मुलुकसँग भने यो अवधिमा व्यापार नाफा भएको छ।

बिज्ञापन

यी हुन् सबैभन्दा बढी आयात भएका सामग्री

साउनमा सबैभन्दा बढी पेट्रोलियम पदार्थ आयात भएको छ।

पेट्रोल: रु ५ अर्ब ७७ करोड १४ लाख
डिजेल: रु ५ अर्ब ८८ करोड ७७ लाख
एलपी ग्यास: रु ४ अर्ब ६६ करोड ६४ लाख

त्यसैगरी,

कच्चा सोयाबिन तेल: रु १० अर्ब ८० करोड ९५ लाख
स्मार्टफोन: रु ३ अर्ब ४१ करोड ९२ लाख
मोटरसाइकल: रु १ अर्ब ७४ करोड ४८ लाख
फलामजन्य वस्तु: रु ३ अर्ब ७ करोड
सुन: रु १ अर्ब ५२ करोड ६३ लाख आयात भएको छ।

प्रमुख निर्यात सामग्री

साउन महिनामा निर्यातमा सबैभन्दा अगाडि भटमासको तेल रहेको छ, जसको मूल्य रु १० अर्ब ६९ करोड ५८ लाख बराबरको छ। यसबाहेक प्लाईउड, फलफुल जुस, धागो, गलैंचा, अलैंची लगायतका सामग्री पनि निर्यात भएका छन्।