ताजा
लोकप्रिय
नेपाल प्रिमियर लिग (एनपीएल) को उपाधि विजेताले १ करोड १० रुपैयाँ पुरस्कार पाउने भएको छ। नेपाल क्रिकेट संघ (क्यान) ले पुरस्कार राशि घोषणा गर्दै यो जानकारी दिएको हो।
बिज्ञापन
क्यानका अनुसार दोस्रो हुने टोलीले ५१ लाख रुपैयाँ पाउने छ। तेस्रो हुने टोलीले २५ लाख रुपैयाँ तथा चौथो हुने टोलीले १५ लाख रुपैयाँ पाउने छ। पहिलोपटक आयोजित फ्रेन्चाइज प्रतियोगिता नेपाल प्रिमियर लिग अब अन्तिमतिर पुगेको छ। बुधबार चितवन राइनोज र कर्णाली याक्सबिच ‘एलिमिनिटर’ खेल हुँदैछ कीर्तिपुरस्थित अन्तर्राष्ट्रिय क्रिकेट मैदानमा बिहान ९ः१५ बजे उक्त सुरु हुनेछ।
बिज्ञापन
एनपीएलमा आठ टोलीको सहभागिता थियो। प्रारम्भिक चरणको समाप्तिपछि लिग तालिकाको माथिल्लो चार स्थानमा रहने टोली प्ले अफ चरणमा पुग्ने प्रावधान थियो। पहिलो र दोस्रो स्थानमा रहने टोलीले पहिलो ‘क्वालिफायर’ खेल्ने तथा तेस्रो र चौथो स्थानमा रहने टोलीले ‘एलिमिनेटर’ खेल्ने प्रावधान थियो।
त्यसैअनुसार चितवन राइनोज र कर्णाली याक्सबीच ‘एलिमिनेटर’ खेल हुन लागेको हो। यो खेलमा पराजित हुने टोली स्वतः उपाधि होडबाट बाहिरिने छ विजयी हुने टोलीले फाइनल प्रवेशका लागि थप एउटा अवसर प्राप्त गर्नेछ। ‘एलिमिनेटर’ खेलमा विजयी हुने टोलीले पहिलो ‘क्वालिफायर’ खेलमा पराजित हुने टोलीसँग दोस्रो ‘क्वालिफायर’ खेलमा भिडन्त गर्न पाउने छ।
बिज्ञापन
दोस्रो ‘क्वालिफायर’ खेलमा विजयी हुने टोलीले पहिलो ‘क्वालिफायर’ खेलमा विजयी हुने टोलीसँग उपाधिका लागि भिडन्त गर्नेछ।
