ताजा
लोकप्रिय
नेपाल क्रिकेट सङ्घ (क्यान) ले पहिलोपटक यू–१९ विश्वकपमा प्रवेश गरेको नेपाली महिला क्रिकेट टोलीका खेलाडीलाई प्रोत्साहनस्वरूप जनही २ लाख ५० हजार रुपैयाँ पुरस्कार दिने घोषणा गरेको छ।
बिज्ञापन
टिममा समावेश अफिसियलहरूलाई भने जनही १ लाख ५० हजार पुरस्कारबाट सम्मान गरिने क्यानका प्रवक्ता छुम्बी लामाले जानकारी दिए। संयुक्त अरब इमिरेट्स (यूएई) को अजमानमा बुधबार सम्पन्न खेलमा घरेलु टोली यूएईविरुद्ध ८ विकेटको जीत निकाल्दै नेपालले पहिलोपटक यू–१९ विश्वकपमा ऐतिहासिक उपलब्धि हासिल गरेको थियो।
बिज्ञापन
नेपालले ६ खेलबाट १० अङ्क जोड्दै विश्वकपमा स्थान बनाएको हो। यूएईले पनि समान खेलबाट समान १० अङ्क जोडे पनि नेपाल नेट रन रेटमा अगाडि रहँदै विश्वकपमा स्थान बनाउन सफल भएको हो। यू–१९ विश्वकप क्रिकेट सन् २०२५ मा मलेसियामा आयोजना हुँदैछ।
विश्वकपका साथै नेपाल यू–१९ एसिया कपका लागि पनि छनोट भएको छ। एसिसीको आयोजनामा आगामी डिसेम्बरमा हुने यू–१९ महिला एसिया कपका लागि पनि नेपाल छनोट भएको हो।
बिज्ञापन
यू–१९ एसिया कप क्रिकेटमा नेपालसँगै पाकिस्तान, भारत श्रीलंका, बंगलादेश र मलेसिया सहभागी हुनेछन्।
