ताजा
लोकप्रिय
मुग्लिङ-काठमाडौं सडकखण्डअन्तर्गत नागढुंगा-सिस्ने खोला सुरुङ्गमार्ग नजिकै पहिरो जाँदा एउटा गाडी आधा पुरिएको छ ।
बिज्ञापन
बिज्ञापन
काठमाडौं आइरहेको एउटा यात्रु गाडीलाई धादिङको नौबिसेस्थित सडकको माथिबाट खसेको पहिरोले पुरेको हो । सुरुङमार्ग नजिकै लेदोसहितको पहिरो जाँदा अहिले सडक दुवैतर्फ अवरुद्ध भएको छ । पहिरोमा एउटा स्करपियो गाडीपरे पनि मानवीय क्षति नभएको धादिङ प्रहरीले जनाएको छ । सडकमा आधा पुरिएको अवस्थामा रहेको उक्त गाडीलाई सुरङमार्ग निर्माणमा प्रयोग भएको साधनले निकालिँदैछ ।
बिज्ञापन
पहिरोका कारण दुईतर्फी सडक अबरुद्व भएको छ । उक्त सडक खुला कम्तिमा २ घण्टा लाग्ने जिल्ला ट्राफिक प्रहरी कार्यालय धादिङले जनाएको छ। पहिरो निरन्तर खसिरहेपछि स्थानीय घरका बासिन्दा पनि भागाभाग भएको प्रत्यक्षदर्शी विवेक भण्डारीले बताएका छन् ।
