ताजा
लोकप्रिय
उपप्रधान तथा गृहमन्त्री रवि लामिछानेले सम्पत्ति विवरण सार्वजनिक गरेका छन् । गृहमन्त्री लामिछानेले मंगलबार आफ्नो सम्पत्ति विवरण सार्वजनिक गरेका हुन् । काठमाडौँ महानगरपालिका वडा नम्बर ६ स्थायी घर भएका गृहमन्त्री लामिछानेको भक्तपुरमा १ रोपनी १ आना पैतृक सम्पत्ति छ ।ग्लोबल आइएमई बैंकमा ५ हजार रुपैयाँ, नेपाल बैंक लिमिटेडमा १ लाख ५ हजार रुपैयाँ मात्र लामिछानेले आफ्नो सम्पत्ति देखाएका छन् ।
बिज्ञापन
लामिछानेको नाममा नेपाल बैंकमा १ लाख ५ हजार र ग्लोबल आइएमई बैंकमा ५ हजार रुपैयाँ रहेको सार्वजनिक गरिएको विवरणमा उल्लेख गरिएको छ । रविको नाममा भक्तपुरमा १ रोपनी १ आना जग्गा रहेको विवरणमा उल्लेख छ ।पैतृक सम्पत्तिबाट प्राप्त यो जग्गाबाहेक अरु सबै पत्नी निकिता पौडेलको नाममा भएको उनको सम्पत्ति विवरणमा उल्लेख छ ।
बिज्ञापन
निकिताको नाममा बुढानिलकण्ठ–८ मा ५ आना जग्गामा बनेको घर छ । विभिन्न व्यवसाय सञ्चालनबाट आएको रकमबाट ३ करोड ७५ लाख रुपैयाँमा घर खरिद गरेको उल्लेख गरिएको छ । घर किन्दा बैंकबाट लिएको २ करोड ५० लाख रुपैयाँमध्ये अब १ करोड ५० करोड रुपैयाँ तिर्न बाँकी देखिएको सम्पत्ति विवरणमा उल्लेख गरिएको छ ।
बिज्ञापन
