ताजा
लोकप्रिय
आज बिहीबारको सेयर बजार सकारात्मक संकेतसहित सकिएको छ। दिनको सुरुवातमै तीव्र वृद्धि देखाएको बजार अन्त्यमा २२.५९ अंकले बढेर २५८२.१८ विन्दुमा बन्द भएको हो।
बिज्ञापन
बजार खुलेको पहिलो तीन मिनेटमै ४ प्रतिशतले उकालो लागेको नेप्से परिसूचक ‘सकारात्मक सर्किट’ लागेर २० मिनेटका लागि बन्द भएको थियो। त्यसपछि कारोबार सामान्य बन्दै बजार सम्हालिएको देखियो।
बिज्ञापन
बजार उकालो लागे पनि कारोबार रकम भने अघिल्लो दिनको तुलनामा केही घटेको छ। बिहीबार कूल ५ अर्ब २७ करोड ३२ लाख रुपैयाँ बराबरको सेयर कारोबार भएको छ, जुन अघिल्लो दिनको ५ अर्ब ७६ करोड रुपैयाँभन्दा कम हो।
नेप्सेका अनुसार बिहीबार २०० कम्पनीको सेयर मूल्यमा वृद्धि भएको छ भने ४१ कम्पनीको सेयर घटेको छ। १० कम्पनीको सेयर मूल्य स्थिर रहेको छ।
बिज्ञापन
यस दिन सबैभन्दा बढी कारोबार शिवम् सिमेन्टको सेयरमा भएको छ। कम्पनीको २७ करोड ३४ लाख रुपैयाँ बराबरको सेयर किनबेच भएको हो।
कारोबार भएका १३ वटा समूहमध्ये व्यापार समूहको परिसूचक भने १.४८ प्रतिशतले घटेको छ। अन्य अधिकांश समूहले सकारात्मक प्रदर्शन गरेका छन्।
