सूर्यज्योति लाइफ इन्स्योरेन्स कम्पनी लिमिटेडले फर्शुराम मरासिनीलाई नायब प्रमुख कार्यकारी अधिकृत (Deputy CEO) पदमा नियुक्त गरेको छ। कम्पनी सञ्चालक समितिको भदौ १८ गते बसेको बैठकको निर्णयअनुसार उनलाई भदौ १९ गतेदेखि लागू हुने गरी चार वर्षको लागि उक्त जिम्मेवारी दिइएको हो।

बिज्ञापन

मरासिनी विगत ८ वर्षदेखि कम्पनीमा नायब महाप्रबन्धक (Deputy General Manager) को रूपमा कार्यरत थिए। जीवन बीमा क्षेत्रमा उनको लामो अनुभव र व्यवस्थापन क्षमताको कदर गर्दै कम्पनीले उनलाई उच्च पदमा नियुक्त गरेको जनाएको छ।

बिज्ञापन

कम्पनीका अनुसार, मरासिनीको नियुक्तिले सूर्यज्योति लाइफलाई अझ व्यवस्थित, दिगो र प्रतिस्पर्धी बनाउने विश्वास लिइएको छ। संस्थाले विज्ञप्तिमार्फत भनेको छ, “उहाँको अनुभव, प्रतिबद्धता र नेतृत्व क्षमताले कम्पनीको भावी वृद्धि र सेवामा सकारात्मक प्रभाव पार्नेछ।”

सूर्यज्योति लाइफ इन्स्योरेन्स हाल देशभर फैलिएको शाखा सञ्जालमार्फत बीमा सेवा प्रदान गर्दै आइरहेको छ, र बीमा बजारमा आफ्नो सशक्त उपस्थिति बनाउँदै ल्याएको छ।

बिज्ञापन