सयपत्री हाइड्रो पावरले हकप्रद शेयर जारी गर्ने भएको छ। कम्पनीको ८ औं वार्षिक साधारण सभाले १ बराबर १ अनुपातमा हकप्रद जारी गर्ने प्रस्ताव पारित गरेको हो।

बिज्ञापन

अहिले ३० करोड चुक्ता पुँजी रहेको कम्पनीको हकप्रद जारी गरेपछि उक्त पुँजी ६० करोड रूपैयाँ पुग्नेछ। यो आयोजनाले हकप्रदबाट उठ्ने रकम यसअघि लिएको बैंक ऋण तिर्न र बाँकी हुने रकम ७६ मेगावाटको सानीभेरी जलविद्युत आयोजनामा लगानी गर्ने निर्णय भएको एक सञ्चालकले बताए। लकिङ पिरियड पनि शुक्रबारबाट सकिएको छ। जलविद्युत लगायत कम्पनीहरूको लकिङ पिरियङ तीन वर्ष राखिएको हुन्छ।

बिज्ञापन

स्थानीय, वैदेशिक रोजगारीमा गएका र संस्थापक लगानीकर्ताहरूले यो अवधिपछि मात्रै शेयर बिक्री गर्न पाउँछन्। सयपत्री हाइड्रोपावर साढे दुई मेगावाटको हो। यो कम्पनी चालु आर्थिक तेस्रो त्रैमासमा एक करोड १० लाख रूपैयाँ नाफामा छ। तर कम्पनीको सञ्चित आम्दानी ४ करोड ४८ लाखले नोक्सानमा छ।

कम्पनीको प्रतिशेयर आम्दानी ३ रूपैयाँ ६९ पैसा छ। अधिकतम मूल्य ९२२ रूपैयाँमा पुगेको छ। हाल बजारमा यो कम्पनीको प्रतिकित्ता शेयर ६५७ रूपैयाँमा कारोबार भइरहेको छ।

बिज्ञापन