ताजा
लोकप्रिय
पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले केपी ओली नेतृत्वको गठबन्धन सरकारको आयु धेरै नभएको दोहोर्याएका छन्। मंगलबार चितवनमा सञ्चारकर्मीसँग कुरा गर्दै ओली सरकारको भविष्यवाणी गरेका हुन्।
बिज्ञापन
प्रमुख प्रतिपक्ष दलका नेता समेत रहेका प्रचण्डले कांग्रेसका पूर्वमहामन्त्री डा.शशांक कोइराला, नेता डा. चन्द्र भण्डारीलाई दायाँबायाँ राखेर यो सरकार धेरै दिन नटिक्ने दाबी गरेका हुन्। ‘यो सरकार धेरै जान्छ भन्ने हामीलाई लाग्दैन। मैले प्रस्ट भन्ने गरेको छु। यो प्राकृतिक छैन। स्वाभाविक छैन। पारदर्शी छैन। सरकारले गरेका कामहरू पनि उल्टापाल्टा हुँदै गएका छन्। अध्यादेशसम्म आउँदा लाजमर्दो भएको छ,’ उनले भनेका थिए।
बिज्ञापन
प्रचण्डले यसोभन्दा कांग्रेस नेता भण्डारी मुसुमुसु हाँस्दै कानेखुसी गरिरहेको भिडियोमा देख्न सकिन्छ। यस्तै नेता कोइरालाले पनि सरकार ढल्न सक्ने सङ्केत गरे। राजनीतिमा सरकार तलमाथि हुनुलाई स्वाभाविक हुने उनको तर्क थियो। ‘दुई ठुलो दल मिलेर स्टेबल सरकार दिने हाम्रो चाहना थियो। त्यसैले सरकार तलमाथि हुने सम्भावना कम छ। तर नहुने होइन राजनीति हो जे पनि हुन सक्छ’, उनले भने।
यस्तै संविधान संशोधनको कुरा पनि सत्ता गठबन्धनले प्रस्ट पार्नुपर्ने बताए। त्यतिकै हचुवाको भरमा संविधान संशोधन नहुने उनको तर्क थियो।
बिज्ञापन
